1 SAMUEL 3:15 - Cho Bible Common Language 2016

¹⁵ Samuel cu khaw ngawi gütah a ih nak ung om ci, cun kawn ah ani cu tho law ne Bawipa ah im kawt gui cu hmawng ci. Ani naw ang muimang ah mawng Eli am am’thein vai ah kyik ci.

1 SAMUEL 3:15 Referans Kwoze

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

1 SAMUEL 1:9

Hnüüp ät ung Shilon ah Bawipa ah im ung ngami cu ei ami ei kawn ah, Hannah cu tho lawk ci. Ani cu thüi aih neta, akha ah kyap ne, Bawipa ah taigü ci. Cun yah ung, Taigüpa Eli cu m’kawt pei ah, a ngoh nak ung ngok ci.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

1 SAMUEL 3:10

Bawipa cu law ne ng’düi ne ta, “Samuel, Samuel!” ciah a ci ta a khü ah mäih ah khü ba ci, Samuel naw, “Pyen ä, na changshäm naw ka ngai ci nei” cik ci.

1 SAMUEL 3:16

Eli naw khü ne, “Samuel, ka chang hta!” cine khü ci. Samuel naw, “Ä, saza” cine m’shang ci.

1 SHONTÄP NAK 15:23

Berechiah, la Elkanah, Obed Edom la Jehiah gui cu Thukhän M’küm ngäng khai ah ghü ci gui. Taigü gui Shebaniah, Joshaphat, Nethanela, Amasai, Zechariah, Benaiah, la Eliezer gui cu Thukhän M’küm ma ah phyungheng tum khai ah ghü ci gui.