1 SAMUEL 3:13 - Cho Bible Common Language 2016

¹³ Kei naw ani am ka m’thein pyi ci, kei naw ani ah kyongkhui cu angtäi sei ka m’kyuk lawk khai. A i ah kyasei ci ung ani ah hta gui cu akshe ah ng’thu ne, kei na hnu ng’tuk püi ci gui. Eli naw cun ah ami bi cu hmat ci, cun ung phi kä m’cing gui hlawt ci.

1 SAMUEL 3:13 Referans Kwoze

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

NG'THU K'THUUK~ 19:18

Na hta gui cu ng’thei thei khai gui ah ami hmaw yah ung na m’shumthein gui vai, ka cun ung ami mat naw ami mat ami m’di vai ah na m’thein gui ciah kyak ci.

1 SAMUEL 2:12

Eli ah hta gui cu chang sawkshe gui ah kyak ci. Ngami naw Bawipa cu a i ah kä sui ci gui,

1 SAMUEL 2:17

Shin ah Eli ah hta gui ah hmakat nak cu Bawipa ah ma ah, ak ka pi k’bäih ah kyak ci, a i ah kyasei ci ung ngami naw Bawipa am douthak cu kä chang m’sui u ne, shicha bik ci gui.

EZEKIEL 18:30

“Tuhbäi, kei, uktu Bawipa naw ka ning m’thein gui ci, Israel gui, nangmi a chang sing cu, kei naw amät ah bi phäh phäh awn ka ning m’kyuk gui khai. Nami bilawk ah akshe avan ungka ng’hlat law ba vä, name katnak naw kä ning m’di en gui sä.

EZEKIEL 7:3

“Israel, ang pyi nak cu gawk lawk ci nei. Nang naw kei ah m’lungshe nak cu nag ah khai, ai ah kyasei ci ung nang naw na bi ah phäh ah kei naw ka ning m’khoi chak ci nei. Nang naw na bi ah shemshai ci gui avan cu kei naw ka ning pe ba khai nei.

NG'THU K'THUUK~ 29:15

M’shümthein nak gui la m’hnütbäi nak gui cu ak hmaw gui ah phäh ah akni ah kyak ci. Ak hmaw cu amät ah ngaih ah a hteh ah akyak ung, ani naw anu cu ng’aa sak khai.

1 JOHAN 3:20

Mi m’lung ngaih naw anam shet m’kat law gui ung phi, Khanpughi cu mi m’lung ngaih ah mä hlüngtai pi ne, a päng avan hmat yawp ci, cicu mi hmat ci.

JOEL 3:12

“Pakhui gui cu pawng ge u ne, m’khoicha nak ah khaw nawi ah lawk khai gui nei. A cu ah kei Bawipa cu ngo ne, peileng ah pakhui avan ka m’khoichak khai nei.

THUSHÄUTU 7:22

na mät naw phi akda vei chang na päipih cu namät naw na hmat ci.

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

1 GHANGPUGHANG GUI 2:44

Kapa David ah khan ah nang naw chei khai ah na bi gui avan nang naw na hmat ci. Acun ah phäh ah Bawipa naw ning m’kyuk khai nei.

THULÄÄN NAK 17:12

Chang tumat mat naw suki, kä cun ung taigü ah bi cu ling ne kä k’hlü ne a kyak ung ani cu ngawn vai. A shicha ah shin ah shekha cu Israel ungka nangmi naw nami nawt heng vai nei.

THULÄÄN NAK 21:18

“Chang tumat ung a htapa tumat om ci, ani cu lingkeng ne hnungtuk ciah chang ah kyak ci. Ani cu a nupa gui naw tuthat u sei phi ng’thu kä ngai ci.