1 SAMUEL 29:9 - Cho Bible Common Language 2016

⁹ Achish naw, “Kei naw ka yum ci nei, nang cu Khanpughi ah khanchang ah mäih ah na bekhüt ciah kei naw ka hmat ci nei. Cun ung phi a hei ghangpughang gui naw kei mi awn a täng ah ng’tuk nak ah kä na hteit tu hning khai ah pyen ci gui nei.

1 SAMUEL 29:9 Referans Kwoze

2 SAMUEL 19:27

Nang ka Bawimang ah ma ah ani naw a hleei pyen ci. Cun ung phi nang cu Khanpughi ah khanchang ah mäih ah na kyak ci, hman ciah na ngaih cu na bik ci.

2 SAMUEL 14:20

Shin ah mawng avan ng’tän ne düng khai ah ani naw abi nei. Nang bawi mang cu Khanpughi ah khanchang ah mäih ah cüi vai ne, a mawng päng na hmat ci nei” cik ci.

2 SAMUEL 14:17

Ka mät naw ka mät ka pyen ci bawi aw, na shaitak naw kei cu nak phyawn khai, a i ah kyasei ci ung ghangpughang cu Khanpughi ah khanchang ah mäih ah kya ne, ak ni, ak kaa cu m’khoi m’cha hning ci. Bawipa na Khanpughi cu nang awn a täng ah om sä!” cik ci.

KALATIAN 4:14

Kei ka gawpyam nak naw nangmi a ning cüngvawn sak gui ung phi, nangmi naw kei cu kä nami na päipih ci, kä nami na hnu ng’tuk püi ci; Khankhochang ah mäih, Bawi Khrit Jesuh ah mäih ah nangmi naw kei cu nami na dou ci.

1 SAMUEL 29:4

Cun ung phi Philistin gabawi gui naw Achish cu m’lung she na neta ami pyen nak cu, “Na pek gui ah gawnu ung ami hteh ba vai ah tüi ba gui ä. Mikmi awn a täng ah ng’tuk nak ah kä hteh en sak gui ä. Mi ng’tuk sangung ani naw lat ne na tu ba gui hning ci nei. Shin cu ani naw mikmi ah sih nak awn a bawi ah hmai kiang nak a gah nak vai ah ani ah phäh ah aknipi ah kä kya ne ang?