1 SAMUEL 29:8 - Cho Bible Common Language 2016

⁸ David naw, “Saza, a i ang hma ci ka bi a om? Nang ah bi ka bi law ung tün ne, ka hma nak kä om ciah na pyen ah mäih ah a kyak ung, ka bawipa la ghangpughang, a i ah kyasei, nang awn a täng ah kä hteit ne, na ga gui cu kä ka tuk tu vai ang?”

1 SAMUEL 29:8 Referans Kwoze

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

1 SAMUEL 28:2

David naw, “Ä za, kei cu na na changshäm ah ka kyak ci, kei naw a i ka bi hning cu nang naw na hmuk khai nei” cik ci. Achish naw, “Bä khai, kei naw nang cu kei na ngäng ciah gabawi ah angtäi sei ka ning tha khai” cik ci.

1 SAMUEL 26:18

Ani naw k’täi ne, “A i ah kyasei, saza, na na changshäm cu, tuh güt na, na k’täm ang? A i ang kei naw ka bi? A i katnak ang kei naw ka bi?

1 SAMUEL 20:8

Kei ah phäh ah shin na na bi pek vai, kei ung na bi ah theingthap ciah shaitak cu na pan vai. Cun ung phi ka katnak a om ung na mät naw na ngawn ä! A i ah kyasei na pa naw ana ngawn vai ah na na hteh püi vai ang?” cik ci.

1 SAMUEL 17:29

“Tuhbäi a i ka bik khai ang? A i phi kä ka ning shi gui hning khai ma?” cik ci.

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

1 SAMUEL 27:10

Achish naw ng’shik ci, “Tuhbäi a i ung khüt ne ang nami tuk, nami khä” cine ng’shik ci. David naw, Judah khaw a htum lam Jerahmeela pahta gui ah khaw, kenit chang gui ah om nak ah khaw ung khüt ciah a mawng m’thein tuk ci.

1 SAMUEL 29:7

Cun ah kyasei dimdeih nak awn na im ah hteit ba ä, ngami ah kä yei nak vai phi a i kä bi en ä,” cik ci.