1 SAMUEL 29:4 - Cho Bible Common Language 2016

⁴ Cun ung phi Philistin gabawi gui naw Achish cu m’lung she na neta ami pyen nak cu, “Na pek gui ah gawnu ung ami hteh ba vai ah tüi ba gui ä. Mikmi awn a täng ah ng’tuk nak ah kä hteh en sak gui ä. Mi ng’tuk sangung ani naw lat ne na tu ba gui hning ci nei. Shin cu ani naw mikmi ah sih nak awn a bawi ah hmai kiang nak a gah nak vai ah ani ah phäh ah aknipi ah kä kya ne ang?

1 SAMUEL 29:4 Referans Kwoze

1 SAMUEL 14:21

Philistin gui täng ah om tu te ciah Hebrew gui la ami phung ah gawk pyi ci gui cu ng’lat ba u ne, Saul la Jonathan ung ng’dawn tu ba ci gui.

1 SHONTÄP NAK 12:19

Manasseh pakhui ungka gakap amshah gui cu David täng ah lawk ci gui, Cun sang ung David cu philistin gui awn a täng ah ghangpughang Saul tuk khai gui ah hteit ci gui. Akcang ah ani naw philistin gui cu kä bawm gui ci, ani naw a bawi mante Saul am a ap gui vai ah ami ghangpughang gui cu ng’ä u neta, ani cu Ziklak ah ami tüih ba ah kyak ci.

LUKA 16:8

Cun ah theileh ne a bilawh ah hmawk ah kä ng’düng cih changvai cu amang naw m’hlüngtai ci. A i ah kyasei ci ung khomdek chang gui cu, khomdek khan ah mawng bilawh nak ung akdei ah hta gui ah mä ami theileh pi ah hmawk ah kyak ci.

1 SAMUEL 27:6

Cun ah kyasei Achish naw Ziklak gawnu cu pe tuk ci, cun ah kyasei Ziklak cu Judah ghangpughang gui naw tuh güt ami khäm ah kyak ci.

1 SAMUEL 29:9

Achish naw, “Kei naw ka yum ci nei, nang cu Khanpughi ah khanchang ah mäih ah na bekhüt ciah kei naw ka hmat ci nei. Cun ung phi a hei ghangpughang gui naw kei mi awn a täng ah ng’tuk nak ah kä na hteit tu hning khai ah pyen ci gui nei.

1 SAMUEL 30:1

Hnüüp goi alüng kawn ah David la a chang gui cu Ziklak ah law ba ci gui. Amalek gui naw Judah a htum lam cu ang ghit ah tu u ne, Ziklak cu tu nim ci gui. Ngami naw gawnu cu mei awn m’khih u ne,

PHYAWN NAK 1:10

Ng’tuk nak a om law ung ngami cu mi ga gui ung ng’dawn tu u ne, na tu gui khai gui, cun kawn ah shin ah khaw ungka luat khai gui, Ngami ami da law ung phi mikmi naw mi shum nak gui vai mi shuui khai nei” cik ci gui.

1 SHONTÄP NAK 12:20

Shin gui cu Manasseh ah ka gakap gui, David ang hlah ba yah ung ani täng ah hteit tuk ci gui ah kyak ci: Adnah, Joyabad, Jediaela, Michaela, Joyabad, Elihu la Zillethai. Ngami ami van cu Manasseh ung gakap phia gha ah ami gabawi gui ah kyak ci gui.