1 SAMUEL 29:3 - Cho Bible Common Language 2016

³ Philistin gabawi gui naw hmu gui u neta, “Shin ah Hebrew chang gui a i hawi lawk ci gui ang?” cik ci gui. Achish naw, “Shin cu David, ghangpughang Saul ah bawi, ani cu kei awn a täng ah a om shou law hta ci. Ani cu kei ah a law ung tün ne, kei naw hma ciah ka hmuh vai ah a i phi kä bik ci,” cik ci.

1 SAMUEL 29:3 Referans Kwoze

DANIEL 6:5

Ngami ami mät ng’htau u ne, “Amät ah yum nak lam ah kä a kyak ung mikmi naw Daniela m’kyuk nak vai ah amawng cu kä mi hmu hlawt khai nei” cik ci gui.

1 SAMUEL 27:7

David cu Philistin ah cha gha lei chuk om tuk ci.

1 PETER 3:16

Cunung phi ng’awi ng’gi nak la chang m’sui nak awn nami bi vai nei. Nami m’lung cu theing sak vä, cun ung bawi Khrit ah chang ah kia ne, akni nami bi lawh, ning päipih gui ciah chang gui cu, thui ng’aa khai gui nei.

ROMAN 12:17

Nami khan ah akshe bi lawk ciah a om ung akshe awn kä nami thung ba vai, chang gui ah maa ah ni kyom nak nami bi vai ah nami k’tha nak vai.

JOHAN 19:6

Taigüpa gui la Taigüim ngäng ci gui naw, hmu u netah, “Ani cu kutlam tung ung tai ne ngawn vä, kutlam tung ung tai ne ngawn vä” cine m’lau ci gui. Pilat naw, “nami mät naw kutlam tung ung tai ne ngawn vä, ani ngawn nak vai ah mawng a i kä ka hmuk ci nei” cine pyein ci.

1 SAMUEL 25:28

Saza, na bä ni, na m’geinsei ä, hma nak ka bi phung cu. Bawipa naw ghangpughang ah ning hmoh khai, na hta ng’shon gui phi a cun ah kyak khai, a i ah kyasei ci ung, nang cu ani ah phäh ah ng’tuk na bik ci; nang cu na ghin ah chuih akshe kä na bik ci.

1 SAMUEL 27:1

David cu amät ng’htau ne, “Khaw hnüüp ät ung Saul naw na ngawn khai. Kei ah phäh ah aknipi cu Philistin ah phyawn vai ah hteh vai ah kyak ci. Cun ung Saul naw Israel khaw ung ana shui m’lung si khai, cun ung kei ka phyawng khai.”

1 SAMUEL 29:6

Achish naw David khü neta, ani am, “Kei naw Israel ah ghing ciah Khanpughi ung aktung ah ka ning pyen nak cu; nang cu kei ung bekhüt ne kei awn a täng ah ka ning hteh sak la shin ung na ng’tuk tu ah phäh ah kei naw ka ning yei nak ci. Kei ah na law ung tün ne, nang ah na hmakat nak cu kei naw kä ka hmuk ci. Cun ung phi a hei ghangpughang gui naw kä ning yum ci gui.

1 SHONTÄP NAK 12:19

Manasseh pakhui ungka gakap amshah gui cu David täng ah lawk ci gui, Cun sang ung David cu philistin gui awn a täng ah ghangpughang Saul tuk khai gui ah hteit ci gui. Akcang ah ani naw philistin gui cu kä bawm gui ci, ani naw a bawi mante Saul am a ap gui vai ah ami ghangpughang gui cu ng’ä u neta, ani cu Ziklak ah ami tüih ba ah kyak ci.

1 SHONTÄP NAK 12:20

Shin gui cu Manasseh ah ka gakap gui, David ang hlah ba yah ung ani täng ah hteit tuk ci gui ah kyak ci: Adnah, Joyabad, Jediaela, Michaela, Joyabad, Elihu la Zillethai. Ngami ami van cu Manasseh ung gakap phia gha ah ami gabawi gui ah kyak ci gui.

ATÜNNAK 14:13

Cun ungka phyawng ciah chang naw Abram am a mawng gui cu m’thein lawk ci. Ani cu Amorit chang Mamre ah sing ghing theing ah pei ah om ciah Hebru chang ah kyak ci. Mamre la a phäi goi Eshkola la Anera cu Abram ah teihpüi gui ah kyak ci.

1 SAMUEL 4:6

gui. Phlistin gui naw ami m’lau cu ng’ya u neta, Hebrew phung ung ami m’lau cu van naw ngai tu vä! A i ah ami kyak tu khan ang?” cik ci gui. Ngami naw Bawipa ah Thukhän M’küm Hebrew phung ung a

1 SAMUEL 14:11

Cun ah kyasei ngami cu Philistin gui naw ami hmuh goi vai ah om ci goi, Philistin gui naw, “Teng vä, Hebrew chang amshah cu ami ng’thuh nak ah khui ung ka, lut lawk ci gui nei!” cik ci gui.