1 SAMUEL 29:1 - Cho Bible Common Language 2016

¹ Philistin gui naw ami gakap gui avan cu a täng ah Aphek ung law püi ci gui, cun yah ung Israel gui cu Jeyreela khaw ng’nawi ung phung tu ne om ci gui.

1 SAMUEL 29:1 Referans Kwoze

1 SAMUEL 4:1

Cun sangung Philistin gui naw Israel gui cu tuk püi gui vai ah hteit ci gui, cun ah kyasei Israel gui naw ng’tuk püi tu ba gui vai ah pawng ci gui. Israel gui cu Ebenezer ung phung tu ne om u sei, Philistin gui cu Aphek ung om ci gui.

1 GHANGPUGHANG GUI 21:1

Jezreelaa kho ghangpughang Ahab ah mang im pei ah Naboth ming nak ciah chang ah sapyitduum om ci.

1 GHANGPUGHANG GUI 20:30

K’pawih ba ci gui cu Aphek mang gaw kyong ah lut ne im tumat ah a hnu täng a khan kyong ung ng’yii ci.

JOSHUA 19:30

Ummah, Aphek, la Rehob; mang gaw m’ku lei goi law ne, ami ng’veing ungka gawnu gui mah ah kyak ci.

JOSHUA 12:18

Aphek, Lasharon,

2 GHANGPUGHANG GUI 9:36

Cun cu Jehu am m’thein ba u khäta, ani naw, “Cun cu Bawipa naw a changshäm Elijah ah ma ah thu a pyen yah ung, a cun ah kya lawk khai ciah a pyen ah kyak ci: “Jezreela khopäng ung Jezebela ah pumsa cu ui gui naw ei khai gui.

2 GHANGPUGHANG GUI 9:30

Jehu cu Jezreelaa ung gawk ci. Jezebela naw cun ah a mawng gui cu ng’ya pyi ci kya neta, amik mu pyang ne, a lu huih neta, mang im kyong ah m’kawt ung ng’düi ne lam cu hei teng ci.

1 GHANGPUGHANG GUI 21:23

Jezebela ah mawng Bawipa naw a pyen cu, ani ah pumsa cu Jezreela mang gaw ung ui gui naw ei khai gui nei.

1 SAMUEL 28:4

Philistin gakap gui cu Shunem gawnu pei ah phung tu ne ng’bum ci gui; Saul naw Israel chang gui cu Kilboa m’htung ah phung tu ne bum püi gui ci.

SUKI GUI 6:33

Cun kawn ah Midianit gui, Amalekit gui la ng’kiang ma ah om ciah pakhui gui cu ng’bum u neta, Jordan Tuinu hei kat u ne, Jeyreela khaw nawi ung phung tu ne om ci gui.

JOSHUA 19:18

Acun ah area ung Jeyreela, Chesulloth, Shunem,

1 SAMUEL 28:25

Ani naw Saul la akchang gui am ei chan gui ci, ngami naw ei ci gui. A cu mü cun ung ka hteit ba ci gui.

2 SAMUEL 2:9

A cu ah Abner naw Ishbosheth cu, Kilead, Asher, Jezreelaa, Ephraim la Benjamin khaw gui ah ghangpughang, akcang ah Israel khaw avan uk khai ah hmoh ci.

2 SAMUEL 5:17

Israel ghangpughang ah David a kyak law cu Philistin gui am m’thein gui ci gui, cun ah kyasei ami gakap m’cääp ne ani tuk vai ah pawng ci gui. David naw cun cu ng’ya neta, khäng ciah ng’shung nak ung hteit ne om ci.

SAM 83:7

Gebala, Ammon, Amalek la Philistia la Tire chang gui ah kyak ci.

JOSHUA 17:16

Ngami naw, “Khawgui khaw cu keimi ah phäh ah kä ng’büh ci nei, cun ung phi khawdou ung om ciah Kanaanit gui ung m’si-yatha om ci, Beth Shan la a pei yung ah gawnu gui ung om ci gui la Jeyreela khaw nawi ung om ci gui ami van ah kyak ci.”

SUKI GUI 7:1

Hnüüp ät ung Kideon la a chang gui avan cu khongawi hta ah tho law u ne, Harod tui m’lawi pei ah phung tuk ci gui. Midianit gui ah phung cu ngami ah a siiptäng Horeh m’htung pei khawnawi ung om ci.