1 SAMUEL 28:7 - Cho Bible Common Language 2016

⁷ Cun kawn ah Saul naw a bawi gui k’thäh gui ne, “Cek ciah hnumi na shui pe vä, hteit ne ka ng’shik khai” cik ci. “Endor ah tumat om ci nei” cik ci gui.

1 SAMUEL 28:7 Referans Kwoze

LAMKTU 16:16

Kho hnüüp ät ung keimi cu taigü nak hmun ah kami hteh nak lam ah khoshe naw kai sei cecai ciah, ami changshäm hnumi hta tumat cu kami hmuk ci. Ani cu ak ce ng’cheng awn a bawi gui ah hmawk ah ngui akda gah ci.

SAM 83:10

Endora kho hmun ung nang naw tu gui ci sei, ami pumsa cu khomdek ung ng’dawn ci nei.

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

JOSHUA 17:11

Issakha la Asher ah khopäng kyong ungka Manasseh ah kaa gui cu Beth Shan la Ibleam ah kia ne, ami pei yung ah gawnu gui mah ah kyak ci. Acun ah mäih ah Dora (Tuikem ung tumat ah kyak ci), Endor, Taanach, Mekiddo, la ami pei yung ah gawnu gui mah ah kyak ci.

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

TAIGÜTHUM 19:31

Aksi ah mümcha naw a luh nak ah chang cu m’cumcäi vai ah kä nami hteh shi vai. Cun ah nami bi ah a kyak ung nangmi cu kä theingthap ciah nami kyak khai. Kei cu Bawipa nami na Khanpughi nei.

ISAIAH 19:3

Kei naw Egypt gui pawngpüi gui cu a kholä ah kyak sak ne, ami m’lung ngaih cu ka m’di khai, Ngami naw, ngami m’hteinhtang gui khai ah agup gui cu ng’shi thäh khai gui, Ngami naw khaw ah kai gui ah hteit ne ng’shi k’ca khai gui, sik ciah mümcha gui cu am shümthein gui vai ah ng’shi thäh khai gui.

2 GHANGPUGHANG GUI 6:33

Ani cun ah ang thu vai am, ghangpughang gawk law neta, “Shin ah yaica nak mikmi ah khan ah gawk law sak cicu Bawipa ah kyak ci nei! Ani naw a i baw a bi law vai cu a i ah kyasei kei naw ka ngäng lä vai ang?” cik ci.

1 SAMUEL 28:3

Tuhbäi cu Samuel sik ci, Israel chang ami van cu ani ah phäh ah mang gaw Ramah ah k’phuh ci gui. Saul naw ng’cä bang thei ci gui la k’ce gui cu, Israel khaw ami hteh tak vai ah ak täm gui ah kyak ci.

THULÄÄN NAK 18:11

phyuh vawih nak, cun kawn ah sik ciah mümcha awn kä nami gengpai en sak gui vai.