1 SAMUEL 28:6 - Cho Bible Common Language 2016

⁶ Cun ah kyasei a i ka bik khai cine Bawipa cu ng’shik ci. Cun ung phi Bawipa naw kä m’shang pang ci, ng’mang ung phi kia, Urim, Thummim la prophet awn phi kä m’shang ci.

1 SAMUEL 28:6 Referans Kwoze

1 SAMUEL 14:37

Cun ah kyasei Saul naw Khanpughi ng’shik ci,” Philistin gui ka hnim gui vai aw? Nang naw näng nak na na pe gui khai aw?” Cun ung phi cu hnüüp Khanpughi naw kä m’shang ci.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

NG’ÄI KYAH 2:9

M’kawt gui cu ng’gäi ne ng’yän ne ng’phuh ci gui, ami laung gui cu hnget ne ng’bät ci gui. Ghangpughang la chang vai gui cu tuhbäi omktu khaw ah om ci gui. Thukhän phi kä theithang ba ci gui, Prophet gui naw phi Bawipa ungka muimang kä gah ba ci gui.

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

JAMES 4:3

Nami ng’yoih ung phi kä nami gah ah mawng cu, akshe ah nami ng’bü nak la nami mät ah hlimtui nak vai düt ah nami mang nak hlü ah hmawk ah kyak ci.

JOHAN 9:31

Khanpughi naw katnak bik ciah taigü kä ngai ci, Khanpughi kyih-aa ne ang yak hlü ah bik ciah chang ah taigü vah ngaih pek ci.

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

JEREMIAH 23:28

Amang shek ciah prophet tumat naw mang cu mang nei cik khai, cun ung phi kei ah ng’thu ng’yak ciah prophet läi naw cun ah thu cu bekhüt ne ng’shäu khai nei. Htang awn m’tumtäng ung htang gong cu a i a ni nak om khai aw?

THULÄÄN NAK 33:8

Ani naw Levit pakhui a pyen nak gui cu, Nang, Bawipa naw na ng’yak hlü cu Urim la thummim awn na m’than ci. Bekhüt ciah na changshäm Levit gui ung namthan ci. Massah ung nang naw ngami gui cu nam nüm gui ci. Meribah tui ung akcang ah a kyak ah mawng namdang ci.

PHYAWN NAK 28:30

Urim la Thummim cu ng’kyangsaphaw ung nami dak vai. Cun ung kei ah theingciim ciah ka om nak ah a law ung, Aaron naw k’bah lawk khai. Akhin päng ung Aaron naw ng’kyangsaphaw cu a sui vai, cun ung ani naw Israel chang gui ah phäh ah kei ah ng’yak hlü cu m’dang hning khai.

NG'THU K'THUUK~ 27:1

Ngawi ung ah phä ah kä khähghah vai, heng ung ngawi ung a i ah akyak vai cu nang naw kä na hmat ci.

SAM 74:9

Theing ciah kami m’hnih nak gui cu ng’kawn yawp ci, prophet gui phi kä dang ba ci, cun cu a i güt lüng khai ah a u naw phi kä hmat ci,

PHYAWN NAK 28:20

Ak phli nak ung lelung, cüilung la ng’ailung, cun gui cu ghuilung k’am gui ung dang gui vai.

TAIGÜTHUM 8:8

Ani naw ng’e saphaw k’bah sak ne, Urim la Thummim cu acun ah kyong ah tha ci.

1 SAMUEL 28:5

Saul naw Philistin gakap gui cu hmu gui neta, cäicat ci,

1 SAMUEL 28:15

Samuel naw Saul am, “A i ah kyasei na na m’shok shü ang? A i ah kyasei shi ah ka law vai ah na bi ang? cik ci. Saul naw “Kei cu khüikha nak akdäm ung ka gawk ci nei! Philistin gui naw na ng’tuk püi ci gui, Khanpughi naw na nawng ci. Cun ah kyasei ka ning khü nei, a i ka bi vai cu na m’thein ä” cik ci.

2 SAMUEL 22:42

Ngami naw m’hteihtang nak shui ci gui, cun ung phi a u naw kä hun gui ci. Ngami naw Bawipa khü ci gui, cun ung phi ani naw kä m’shang gui ci.

JOEL 2:28

“Kei naw chang nü ah khan ah ka mümcha ka yuk chah law kawn ah; nami hta pami, hta hnumi gui naw ka ng’thu shäu khai gui; nami chang vai gui ami mang shen khai, nami chang nong gui muimang mah khai gui.

MIKHAH 3:7

Ma lam ah mawng ng’cä ba cicu a pyen kä bä sei thüi khai. Khanpughi naw kä m’shang sei ami van yung kyak khai gui.