1 SAMUEL 28:23 - Cho Bible Common Language 2016

²³ Saul naw ma neta, a i phi kä ka ei khai nei, cik ci. A bawi gui naw phi ei a ei vai ah m’cäi ci gui. Ak hnu ah ani naw yum ne, m’dek ung ka tho ba ne, ih phak ung ngok ci.

1 SAMUEL 28:23 Referans Kwoze

1 GHANGPUGHANG GUI 21:4

Ahab cu a im ah hteit ba ne, Naboth naw cun a ci nak ah phäh ah thüi ne m’lungshe ci. Ani cu a ih phak ung ng’yän ne, k’pang täng ah mang ne, ei kä ei ne om ci.

2 KORIN 5:14

Chang tumat cu chang avan ah hmawk ah si sei, chang avan naw ani awn a täng ah sik nak ami aut ah mawng cu tuhbäi keimi naw kami hmat pyi ci kya sei, keimi cu Bawi Khrih ah m’hni nak naw na uk gui pyi ci nei.

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

LUKA 24:29

Cun ung phi ngani naw, “Tuhbäi kho mü lawk khai kyak ci, keimi awn a täng ah mi ip tu kaw, cine khü tuk ci goi. Bawipa Jesuh cu ngani awn a täng ah ip tuk khai ah läk tu goi ci.

LUKA 14:23

Im mah naw, “Pigaw im lo yung nüng ah hteit ne, ka im ung be khai ah, chang gui khü law gui yä, ayan khü gui ma ah chang tumat naw phi;

NG'THU K'THUUK~ 25:20

Am lung thüi aih ciah chang am ng’äi m’cu cu kho am yu ah hnüüp ung ak htu suh pek awn täng ci, khei ung m’shi shum awn täng ci.

2 GHANGPUGHANG GUI 5:13

A changshäm gui naw a om nak ah law u neta ami pyen cu, “Prophet naw khak khai a ning bi sak ung phi nang naw na bi vai kyak ci, tuhbäi na mät tui ung ng’si ne na gai vai ah a pyen ah phäh ah a i ah kä na bi hning vai ang?”

2 GHANGPUGHANG GUI 4:8

Hnüüp ät ung Elisha cu bühmang ciah hnumi ah om nak Shunem ah hteit ci. Ani naw khü ne ei m’bei tuk ci, cun ung tün ne, Shunem ah a hteh päng ung a cun ah hnumi ah im ah ei ei tuk ci.

1 SAMUEL 28:22

Tuhbäi kei naw ka pyen cu nabäni, na bi vai. Na ei vai ei ka pyang khai, cun cu na ei vai, cun ung nang cu khüi ne lam na hteit hning khai” cik ci.

ESTA 1:6

Duum ah akyong ah ngui lawi awn ak hnga ami pyan ah toulung k’tung gui ung, yidung amkim la a bawk gui cu, linen pyai akni awn khawng ne tai ne cüiche ci gui. Ghui la ngui awn ami pyan ah ngoh ng’yän nak vai gui phi, cun ah duum ung tha ci gui. Cun ung toulung, lungsen vai, kikong lung la lung m’kim gui cu phah ci gui.

EZEKIEL 23:41

Ngani cu ngoh nak akiom ung ngok ci goi, ani ma ah tawng lang ung akni gui be ci, kei naw ka pek gui ah ang ui gui la olive-situi gui mah ah kyak ci.