1 SAMUEL 28:10 - Cho Bible Common Language 2016

¹⁰ Saul naw thukhän ang cim ah bi ci.” Ghing ciah Bawipa ung shai ka tak ci. Shin bi ah phäh ah nang cu kä na kyuk khai,” ani naw hnumi pyen nak ci.

1 SAMUEL 28:10 Referans Kwoze

MAKUH 6:23

Kei naw ka uknak ah kho a teih phi k’bou ne ka ning pek khai nei” cine ng’thu khän ne pyein ci.

MATTHE 26:72

Peter naw, “Cun ah chang kä ka hmat ci nei,” cine ng’cim ne pyein ne ma ba mä ci.

2 SAMUEL 14:11

Hnumi naw, “Ka bawi mang, na bä ni, Bawipa na Khanpughi ah taigü ä, cun ung sik ciah ka hta ah phäh ah phu tuk khai gui ah pawng ciah ka mätyah gui naw, ka hta tumat cu kä ngawn u ne, dämduh pi ciah katnak cu kä bik khai gui nei” cik ci. David naw, “Kei naw ghing ciah Bawipa ung shai ka tak ci, na hta cu a i naw phi kä plawh kheih khai nei” cik ci.

1 SAMUEL 19:6

Saul cu Jonathan ah ng’thu awn a hnga päng khäta, David cu kä ka ngawn khai nei cine Bawipa ah ming ung thukhän bik ci.

1 SAMUEL 14:39

Kei naw Israel gui am näng nak pek ciah, ghing ciah Bawipa ung shai ka tak ci, cheishoh ciah chang cu ngawn vai, ka hta Jonathan ah a kyak ung phi” cik ci. Cun ung phi a u naw a i kä pyen ci.

PHYAWN NAK 20:7

“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.

ATÜNNAK 3:5

Shin ah theih nami ei ah a kyak ung Khanpughi ah mäih ah nani kya tuk khai, akni akshe nani ng’thumcha thei khai, cun cu Khanpughi naw hmat neta a pyen ah kyak ci” cik ci.

1 SAMUEL 28:9

Hnumi naw, “Ghangpughang Saul ah bi cu na hmat ci, ani naw ng’cä ng’bang thei ci la k’ce gui Israel ung ka a hteh sak gui phi na hmat ci. A i ah kyasei kei na na phak khai ah, na na ngawn khai ah na k’tha nak ang?” cik ci.

1 SAMUEL 28:11

Hnumi naw, “A u ka ning khü pek vai ang” cik ci. Ani naw, “Samuel” cik ci.