1 SAMUEL 28:1 - Cho Bible Common Language 2016

¹ Api shou hta khäta Philistin gui naw ami gakap gui cu k’bum u ne, Israel gui cu tuk vai ah pawng ci gui, Achish naw David am, “Tuhbäi ung nang naw na hmat pyi ci, nang la na chang gui cu kei täng ah om ne ng’tuk nami bik khai” cik ci.

1 SAMUEL 28:1 Referans Kwoze

1 SAMUEL 17:1

Philistin gui cu ng’tuk vai ah Judah khaw Socoh gawnu ung bum ci gui; ngami cu Ephes Dammim ung hmun tu ne om ci gui, cun cu Socoh la Azekah ah ng’lak ah kyak ci.

1 SAMUEL 27:12

Achish naw David cu ngaih gep neta, “Ani cu amät ah chang Israel gui naw ang htei ah ami thüi nak ah kyak ci, cun ah kyasei ani naw a ghin ah chuih kei ah bi bik khai” cine amät ng’htau ci.

1 SAMUEL 13:5

Philistin gui cu Israel gui tuk gui vai ah ng’bum ci gui; ngami ung ng’tuk nak yatha phia thum kip, ng’se kium chang phia chuk, la tuinu kem ah laigin chü vai ah da ciah gakap gui om ci. Ngami cu Bethaven ah hni kyak lam Machmash ah hteit u ne, phung tu ne om ci gui.

1 SAMUEL 7:7

Philistin gui naw Israel gui Mizpah ung ami ng’bum cu ng’ya u neta, Philistin ghangpughang hma cu ami chang gui awm ngami tuk gui vai ah pawng ci gui. Israel gui naw acun ng’ya u neta, kyik ci gui.

1 SAMUEL 31:1

Kilboa M’htung ah Israel gui cu Philistin gui naw tu gui ci gui. Israel chang gui akda cu ami ngawn gui, k’pawih ba ci gui la ghangpughang Saul la a hta gui cu dawng ci gui.