1 SAMUEL 27:10 - Cho Bible Common Language 2016

¹⁰ Achish naw ng’shik ci, “Tuhbäi a i ung khüt ne ang nami tuk, nami khä” cine ng’shik ci. David naw, Judah khaw a htum lam Jerahmeela pahta gui ah khaw, kenit chang gui ah om nak ah khaw ung khüt ciah a mawng m’thein tuk ci.

1 SAMUEL 27:10 Referans Kwoze

SUKI GUI 1:16

Moses ah akawi ah hta ng’shon kenit chang cu Judah chang gui awn a täng ah Jerikho, cankhaw mang gaw ungka naw Judah khaw Arad ah a htum, m’dek kä nik ciah khaw ung lut ci gui. Acu ah ngami cu Amalekit gui ah ng’lung ah om tuk ci gui.

1 SHONTÄP NAK 2:25

Hezron ah hta ng’vaipi, Jerahmeela ung htapami hma om ci: ang vaipikbäih cu Ram Bunah, Oren, Ozem, la Ahijah.

1 SHONTÄP NAK 2:9

Hezron ung a hta thum om ci: Jerahmeela, Ram la Kaleb.

1 SAMUEL 30:29

la Racala ung chang gui; Jerahmeela pahta, Kenit chang gui,

SUKI GUI 4:11

Acun sang ung Kenite chang Heber naw Kedesh ah pei Zanannim ung, m’dum ghing hneit ung phung tu ne om ci. Ani cu Moses ah kawi Hobab ah hta ng’shon, a hei kenite ung ka ng’plon lawk ciah kyak ci.

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

SAM 119:163

Hleeihlak avan cu kei naw thüi na ne ka shemshai ci, cun ung phi na thukhän cu ka m’hni ci.

SAM 119:29

Lam she ung hteh nak ungka na m’hlat ba ne, na ni nak ung na thukhän cu na m’thei ä.

2 SAMUEL 17:20

Absalom ah bawi gui cu im ah law u ne, hnumi cu ng’shi ci gui, “A hawi ang Ahimaaz la Jonathan?” Hnumi naw, “Tuinu hei kat pyi ci goi nei” cik ci. Chang gui naw shui ci gui, cun ung phi kä hmu goi ci gui, cun ah kyasei Jerusalem ah hteit ba ci gui.

1 SAMUEL 23:27

Cun ah ng’lak ung thupyenei tumat gawk law ne Saul am, “Ang ghit ah law ba ä, Philistin gui naw mi khaw tu lawk ci gui nei!” cik ci.

1 SAMUEL 21:2

David naw, “Kei, shin ung ghangpughang ah bi awn ka lawk ci. Ani naw na m’cäi ne, kei am ana bi sak ah mawng cu a u am kä hmat sak vai ah pyen ci. Ka chang gui cu, hmun tumat ung ami na hmuh law vai ah ka m’cäi gui ci.

1 SAMUEL 15:6

Ani naw Kenite chang gui ah ng’thu m’shäk ci, ngami ah pupa gui cu Israel gui Egypt ah ka ami law ba yah ung m’gein tuk ci gui ah kyak ci: “A hei ah hteit vä, Amalek gui hteh ta gui vä, cun ung ngami awn a täng ah kä ka ning ngawn gui khai” cik ci. Cun ah kyasei Kenite chang gui a hei ah hteit ci gui.

SUKI GUI 5:24

Yeikyai nak om pikbäih ciah hnumi cu Jael ah kyak ci, Kenite chang Heber ah chu ah kyak ci phung ung om ci hnumi gui ung yeikyai nak pikbäih ah hnumi ah kyak ci.

KHEI NAK 24:21

Ang muimang ung ani naw Kenit gui cu hmu gui neta, shin ah ng’cängbang nak cu ng’shäu ci: “Nami om nak ah hmun cu ng’geing ci nei, Lungkpang ak hlüng ung kha ng’bu ah mäih ah ngaih gep ci nei.

ATÜNNAK 27:24

Cun ung phi, “Nang cu Esau akcang ang?” cine ng’shi ba mä sei, “Ä, kei nei” cik ci.

1 SAMUEL 27:11

David naw hnumi, pami chang avan a ngawn ah kya ne, kath ah hteit khai a u kä om ci, ani la a chang gui ah bi gui cu hteit ne pyen khai a u kä om ci. Shin cu David naw Philistin ah a om tu yah ah pum abi ah kyak ci.

1 SAMUEL 29:8

David naw, “Saza, a i ang hma ci ka bi a om? Nang ah bi ka bi law ung tün ne, ka hma nak kä om ciah na pyen ah mäih ah a kyak ung, ka bawipa la ghangpughang, a i ah kyasei, nang awn a täng ah kä hteit ne, na ga gui cu kä ka tuk tu vai ang?”