1 SAMUEL 27:1 - Cho Bible Common Language 2016

¹ David cu amät ng’htau ne, “Khaw hnüüp ät ung Saul naw na ngawn khai. Kei ah phäh ah aknipi cu Philistin ah phyawn vai ah hteh vai ah kyak ci. Cun ung Saul naw Israel khaw ung ana shui m’lung si khai, cun ung kei ka phyawng khai.”

1 SAMUEL 27:1 Referans Kwoze

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

1 SAMUEL 23:17

Ani naw a pyen nak cu, “Kä na kyih vai, kapa Saul naw kä ning hnim hlawt khai. Nang cu Israel ghangpughang ah na kya lawk khai, cun kei naw ka ning tawi lawk khai cicu ani naw ang khai ah hmat ci.

NG'THU K'THUUK~ 13:12

Ngaih u nak adi shum ung m’lung m’sin dishum ci. Cun ung phi ng’yak hlü akümbe ung yei nak om ci.

SAM 116:11

Kei cu kyih aih neta, “A u ngaih u vai kä om ci nei” ka ci ung phi.”

1 SAMUEL 29:2

Philistin ghangpughang hma cu, chang phia, chang phia gha ciah gakap gui awn ana a ng’cham vük ci gui; David la ak chang gui cu ghangpughang Achish ah gakap ung law tuk ci gui.

1 SAMUEL 25:30

Bawipa naw nang ung ashai tak ah mäih ah nik ci gui avan abi law ung, nang cu Israel ghangpughang ah a ning hmoh law ung,

1 SAMUEL 22:5

Cun kawn ah prophet Gad cu David ah law neta, a pyen cu, “Shin ung kä om tu vä, Judah khaw ah tuhbäi hteit ba vä” cik ci. Cun ah kyasei David cu Hereth bung ah hteit ci.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

PHYAWN NAK 14:12

Kä mi ng’düih law pha ung a shin ah kya lawk khai ciah kami pyen ciah kä kya ne ang? Keimi naw, kami mät na nawng shüt gui ä, Egypt gui ah changshäm ah kya ne kami om ei khai nei, kami ci te ciah maw. Shin ah bung nu ah sih ah dam ah, changshäm ah kya ne a cu ah om cu bä pi khai nei” cik ci gui.

2 KORIN 7:5

Macedonia kho ah kami gawk law kawn ah phi kami ng’düm nak kä om ci; yaica nak akda kami aut ci, chang gui ah ng’tuk ng’vauk nak akda om sei, ang htei ah kami kyikyawk ng’ä ng’ai ci.

MAKUH 4:40

Cun kawn ah Bawipa Jesuh naw ang düihpüi gui-am, “A i ah kia sei shin hlawk ah nami kyihkyawk ang? Tuhbäi güt ung nangmi naw, kei cu nami na yum nak kä om ne ma?” cine ng’shi gui ci.

MATTHE 14:31

Cun vai-am Bawipa Jesuh gawk law ne, a kut awn Peter cu pang netah, “Na yum nak ken aih ci nei, a i vai kä na ngaih gep ang,” cine pyen nak ci.

KHEI NAK 14:3

A i ah kyasei Bawipa naw cun ah khaw ung ana hteh püi gui ang? Ng’tuk nak ung mikmi gui cu na ngawn gui khai, Mi chu gui la mi hta gui cu pha gui khai gui. Egypt khaw ah ng’hlat ne mi hteh ba ung kä bä tuba khai aw?” cik ci gui.

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

1 SAMUEL 29:3

Philistin gabawi gui naw hmu gui u neta, “Shin ah Hebrew chang gui a i hawi lawk ci gui ang?” cik ci gui. Achish naw, “Shin cu David, ghangpughang Saul ah bawi, ani cu kei awn a täng ah a om shou law hta ci. Ani cu kei ah a law ung tün ne, kei naw hma ciah ka hmuh vai ah a i phi kä bik ci,” cik ci.

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

1 GHANGPUGHANG GUI 12:26

Ani cu amät ng’htau ne, “Tuhbäi ung, kei ah ka chang gui cu Jerusalem ah hteit u ne, a cu ah Taigüim ah Bawipa am khawihnah nak ami douthak ah a kyak ung, ngami cu Judah ghangpughang Rehoboam täng ah ami m’lung hlaih sei, kei cu na ngawn khai gui” cik ci.

1 GHANGPUGHANG GUI 12:28

Cun ah ang ngaih-tüh kawn ah, ani naw vantang-gup hnih cu ghui awn pyang neta, a chang gui cu pyen na gui ci, “Nangmi cu Jerusalem ah khawihnah vai ah nami hteh nak shou law pyi ci. Israel chang gui, shin goi cu nangmi Egypt khaw ah ka ning law püi ba gui ciah nami Khanpughi goi ne! cik ci.

1 GHANGPUGHANG GUI 19:3

Elijah cu kyi neta a phyawn vai ah dawng ci; ani naw a changshäm cu khah püi ne Judah khaw Beersheba ah hteit ci. A cu ah achangshäm cu nawng shüt neta,

2 SHONTÄP NAK 25:17

Judah Ghangpughang Amaziah la m’cämbä ciah ang vai gui naw Israel tuk vai ah k’bäi ci gui. Ani naw Jehoahaz ah hta, Jehu ah tu, Israel ghangpughang Jehoash am ng’thu m’shäk ne ghüh tuk ci.

SAM 55:7

Kei cu a hei ah zong neta, bungpuk im nah ne ka om hlük ci nei.