1 SAMUEL 26:8 - Cho Bible Common Language 2016

⁸ Abishai naw David am, “Tuhmü Khanpughi naw na ga cu na huham kyong ah tha ci nei. Tuhbäi amät ah k’htei awn m’dek ung ng’süh khai ah hnü ät ge ka shun khai, hnih vei baw, kä ka shun khai! cik ci.

1 SAMUEL 26:8 Referans Kwoze

1 SAMUEL 24:4

Ngami naw ani am, “Shin cu nang ah phäh ah kyak ci! Na ga cu na huham kyang ah tha khai ah Bawipa naw ning m’thein pyi ci, cun ah kyasei nang naw ani ah khan ah na bi hlü na bi hning ci.” David cu ng’vak ne hteit neta, Saul naw kä a hmat ah a suinu cu at ne hteh püi ci.

1 SAMUEL 26:23

Na chang tumat law ne la law ba sä. Bekhüt ci la düng ciah chang cu Bawipa naw m’cümhnah ci nei. Tuh ngawi nang cu, ani naw ka huham kyong ah ning tha ci nei, cung phi kä ka ning hnim ci, nang cu Bawipa naw ghangpughang ah a ning hmoh ah kyak ci.

1 SAMUEL 23:14

David cu khaw ng’yung bung ah ng’thup ne om ci, cun cu ziph ah pei bungpuk ah kyak ci. Saul naw ani a hmuh vai ah angtäi sei k’tha nak ci, cun ung phi Khanpughi naw David cu ani ah kut ung kä ap ci.

SUKI GUI 1:4

BAWIPA naw Kanaanit gui la Perizzit gui ah khan ah näng nak pe gui sei, ngami naw Bezek chang phia phya ngawn ci gui.

JOSHUA 21:44

Bawipa naw ami pupa gui am shai atak ah mäih ah khaw avan ung dinggei nak pe gui ci. Ami ga avan ungka tumat phi ngami kütnet püi gui ne ng’düi khai a u kä om ba ci, a i ah kyasei ci ung Bawipa naw Israel gui ami van ah khan ah näng nak a pek gui ah phäh ah kyak ci.

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

ROMAN 11:32

Khanpughi naw hnicim chang avan cu, thu kä läk ciah thawng k’cum ah pyang gui yawp ci. Cun ah abi cu chang ah hta avan am am gein nak am dang nak hlü ah kyak ci.

NAHUM 1:9

Bawipa na ng’huut taap nak cu a i ang? Ani naw ning m’di gui khai nei. A u naw ani cu län ät kawn ah Kä k’taap hlawt khai nei.

SAM 31:8

Ka gaa gui naw ami na näng vai ah nang naw kä na m’awng ci, ka ng’yak nak hlü ah ka hteh vai ah ng’pängye nak na na pek ci.

1 SAMUEL 26:7

Cu mü ung David la Abishai cu Saul ah phung kyong ah lut ni ne, ani cu hmuk ci goi; Saul cu phung ah ang lung ung, alu kung ah k’htei k’süh ne ip ci, Abner la gakap gui naw koi ne ip ci gui.

1 SAMUEL 26:9

Cun ung phi David naw, “Nang naw ani kä na hnim vai! A ghü ah ghangpughang hnim cicu Khanpughi naw akcang ah m’kyuk ci.

2 SAMUEL 16:9

Abishai, Zeruiah nu nak ci naw, “Ka bawi mang, a i ah kyasei shin ah ui naw a ning shai nak ang? Kei naw hteit ne alu ka m’chün khai nei!” cik ci.

JEREMIAH 40:15

Cun kawn ah Johan naw adüm ah ani am a pyen nak cu, ‘Kei naw adüm ah hteit ne Ishmaela cu ka ngawn khai, a u naw a ngawn ah kä ng’hmat khai nei. A i ah kyasei nang ning ngawn khai ah ani ami bi sak ang? A cun naw Jew chang gui avan ning k’buui ne om ci gui cu püi pyang sak gui khai nei, awn naw Judah ung ami nawng shüt ah chang avan ah khan ah phi lei gai gui law püi khai nei.”

1 SAMUEL 24:5

Cun ung phi David ah am lung ung khüikha nak gawk lawk ci,