1 SAMUEL 26:6 - Cho Bible Common Language 2016

⁶ David naw Hittite chang Ahimelek la Abishai, Joab ah a phäi (ani cu Zeruiah) cu khü goi ne, “Nang ni ung ka a u ang Saul ah phung ah kei awn a täng ah a hteh tu kaw?” cik ci. Abishai naw, “Ä, ka hteit tuk khai” cik ci.

1 SAMUEL 26:6 Referans Kwoze

2 SAMUEL 2:18

A cu ah om ci gui ah Zeruiah ah hta thum cu: Joab, Abishai la Asahela ah kyak ci. Asahela, kigang ah mäih ah dawng m’khüt ci naw,

2 SAMUEL 23:18

Joab ah phäi Abishai (ani nu Zeruiah) cu “Mingthang ciah thum kip ung ang vai pi ah kyak ci.” Ani naw ak htei awn chang phia thum cu ng’tuk püi gui ne, ngawn gui neta “Thum Kip” ung ang mingthang pi ah kya lawk ci.

2 SAMUEL 18:5

Ani naw khän ne m’cäi gui ci, Joab ni, Absalom ni, Ittai ni gui cu, “Kei ah phäh ah chang nong Absalom cu kä nami ngawn vai nei.” Cun ah a bawi gui David naw am cäi gui cu gakap avan naw ng’yak ci gui.

2 SAMUEL 12:9

A i ah kyasei kei ah thumkhän kä na läk ang? A i ah kyasei shin ah akshe na bi ang? Nang naw Uriah cu ng’tuk nak ung na ngawn ci; Ammonit gui am na ngawn sak gui ci, cun kawn ah ak chu nak chu nak ci!

2 SAMUEL 11:24

Cun kawn ah ngami naw pang ung om neta m’la awn na kap gui ci gui, nang bawi mang ah na bawi amshah cu ngawn ci gui; na bawi Uriah phi ngawn ci gui” cine m’thein ci.

2 SAMUEL 11:21

Gideon ah hta Abimelek ami ngawn cu kä nami shüm ba ne ma? Thebez pigaw ung hnumi tumat naw k’pang khan ah kai neta sum lung awn vawi ne a ngawn ah kyak ci nei. A i ah kyasei k’pang nami k’et aih ang? Cun ah ghangpughang naw a ning shi ah akiak ung “Na bawi Uriah phi ngawn ci gui nei, cine na m’thein vai” ciah kyak ci.

2 SAMUEL 11:6

David naw chang tüi ne Joab am ng’thu am khäh cu, “Hittit chang Uriah cu na tüih law vai nei.” Cun ah kyasei Joab naw ani cu David ah hteh sak ci.

ATÜNNAK 15:20

Hitit gui, Perizzit gui, la Rephaim gui,

ATÜNNAK 10:15

Kanaan ah hta gui ung angvaipi cu Sidon la anau Heth — ngani cu ming mah ne ng’shon ci goi ah kyak ci.

ATÜNNAK 23:3

Ani naw ak chu ah sih nak ah hmun cu nawng shüt ne, Hittit chang gui ah hteit neta,

ATÜNNAK 26:34

Esau cu a khaw kum phlikip ung Hittit hnumi hnin chu nak ci. Cun goi cu Berriah ah hta Judith la Elon ah hta Basemath ah kyak ci.

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

1 SAMUEL 26:7

Cu mü ung David la Abishai cu Saul ah phung kyong ah lut ni ne, ani cu hmuk ci goi; Saul cu phung ah ang lung ung, alu kung ah k’htei k’süh ne ip ci, Abner la gakap gui naw koi ne ip ci gui.

1 GHANGPUGHANG GUI 10:29

Egypt ah ka yatha gui ami law püi phi shum ci gui. Ngami naw Hittite la Sirian ghangpughang gui cu ng’se gui la yatha gui awn bawm gui ci gui, yatha tumat cu ngui phe 600, ng’se tumat cu ngui phe 150 ah yoi ci gui.

2 GHANGPUGHANG GUI 7:6

Bawipa naw Sirian gui ah ng’yak vai ah ng’se gui la yatha gui awn lawk ciah gakap ak chün ah mäih ah k’aw cu ng’thang sak khäta, Israel ghangpughang naw Hittit la Egypt ghangpughang gui ng’vat sei ami gakap gui naw tu law gui ciah ngai ci gui.

2 SAMUEL 2:13

Zeruiah nu nak ciah Joab la David ah bawi gui naw ngami cu tuibüm pei ah hmu gui ci gui, ngami ami van ngok ci gui, amshah cu tuibüm ah vangtäng ah ngo sei, amshah cu vangtäng ah ngok ci gui.