1 SAMUEL 26:25 - Cho Bible Common Language 2016

²⁵ Saul naw David am, “Khanpughi naw hriham ning pe sä, ka hta! Na bi nak päng ung na näng khai nei!” cik ci. Cun ah kyasei David cu amät ah lam ung hteit sei, Saul cu a im ah hteit ba ci.

1 SAMUEL 26:25 Referans Kwoze

NG'THU K'THUUK~ 26:25

Cun cu däm khai, cun ung phi kä nami yum vai, ai ah kyasei ci ung ani ah m’lung cu thüigen nak awn be ci.

1 SAMUEL 24:19

A u chang naw a ga a pha ung a i ah kä ciah m’hlawt ba man ne ang? Tuhngawi kei ah khan ah na bi ah phäh ah Bawipa naw hriham ning pek ci.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

ROMAN 8:35

Cun ah kya sei a u naw mikmi cu Bawi Khrit ah m’hni nak awn nam chaa gui hlawt khai ang! Zaica nak, cümbawng nak, k’dukdeiu nak, cawigha nak, pyamthaam nak, gaa kyih nak la sih nak; cun gui naw Bawipa ah m’hni nak awn nam chaa gui hlawt khai maa!

HOSEA 12:4

Ani naw khankho chang cu ng’tuk püi ne näng ci. Ani naw kyap ne hriham k’thäh ci. Bethela ung Khanpughi naw kami pupa Jakob ah law neta ng’thu püi ci.

ISAIAH 54:17

Cun ung phi a i lik’htei naw phi nang cu kä ning nat sak khai; Nang ning bünphei ci phung cu nang naw na m’shang hlawt khai. Kei naw ka changshäm gui cu ka shungvong gui khai, näng nak ka pe gui khai.” Bawipa naw pyen püi ci.

1 SAMUEL 24:22

A pyen ah mäih ah David naw shaitak ci. Cun kawn ah Saul cu a im ah hteit ba ci, David la a chang gui cu ami ng’thuh nak ah hteit ba ci gui.

1 SAMUEL 24:20

Tuhbäi kei naw ka pyen cu, nang cu Israel ghangpughang ah na kyak khai, kho uknak cu nang ah uknak ka ah om lä khai.