1 SAMUEL 26:12 - Cho Bible Common Language 2016

¹² David naw Saul ah lu kung ung ka ak htei la a tui um cu la khäta ani la Abishai cu hteit ba ci goi. A i i ah kyak cicu a u naw kä hmuk ci, a u phi kä ng’shüm lawk ci, ngami ami van cu hnai ne ip ci gui, a i ah kyasei ci ung Bawipa naw a mi van ah khan ah ak nep ah ih nak cu a yuk tüih law ah kyak ci.

1 SAMUEL 26:12 Referans Kwoze

ATÜNNAK 2:21

Cun ah kya khätah Bawipa Khanpughi naw chang cu ip hniim khai ah ih sak ne, am hnaak guh tumat la neta, a hnün ung asa awn be ba sak ci.

ATÜNNAK 15:12

Khawhni a hang kiaak kawn ah Abram cu ip hniim ne ip neta, khaw mü ne hmüp law khätah kyikyawk ci.

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

ESTA 6:1

Acu mü ung ghangpughang cu kä ip hlawt ci. Cun ah kyasei ani naw a uknak khaw ah mawng ca guk gui cu law püi ne ama ah ami phat vai ah thukbäi gui ci.

1 SAMUEL 26:7

Cu mü ung David la Abishai cu Saul ah phung kyong ah lut ni ne, ani cu hmuk ci goi; Saul cu phung ah ang lung ung, alu kung ah k’htei k’süh ne ip ci, Abner la gakap gui naw koi ne ip ci gui.

1 SAMUEL 24:4

Ngami naw ani am, “Shin cu nang ah phäh ah kyak ci! Na ga cu na huham kyang ah tha khai ah Bawipa naw ning m’thein pyi ci, cun ah kyasei nang naw ani ah khan ah na bi hlü na bi hning ci.” David cu ng’vak ne hteit neta, Saul naw kä a hmat ah a suinu cu at ne hteh püi ci.

1 SAMUEL 26:13

Cun kawn David naw khaw nawi ah nong ga, khaw m’htung ah kai ne, a phyawn nak vai ng’shong ci ung om neta,