1 SAMUEL 26:11 - Cho Bible Common Language 2016

¹¹ Bawipa naw am düih ah ghangpughang cu kei naw kä ka ngawn vai ah Bawipa naw na ma nak ci nei! Ak htei la a tui um la neta ni hteit ba kaw” cik ci.

1 SAMUEL 26:11 Referans Kwoze

1 SAMUEL 24:6

ani naw ak chang gui am, “Bawipa naw ka bawi ah khan ah nat nak kä ka bi vai ah na k’pang ci, ani cu Bawipa naw ghangpughang ah a ghü ah kyak ci! Kei naw ani api ah phi kä ka nat sak khai, ani cu Bawipa naw a ghü ah ghangpughang ah kyak ci!”

1 SAMUEL 24:12

Mi hma nak cu Bawipa naw m’khoi m’cha sä! Kei naw api ah phi kä na ning nat sak ci kyasei, nang naw kei ah khan ah hnu ng’tuk ne na hnün thawh nak cu Bawipa naw ning m’kyuk sä.

2 SAMUEL 1:16

David naw, Amalek chang am, “Shin ah na kyak vai cu na mät naw na law püi nei. Bawipa naw ghangpughang ah a ghü ah chang, na ngawn ciah pyen ne, na ng’kia cu na mät naw na mät na m’kyuk ah kyak ci nei” ci nak ci.

2 SAMUEL 1:14

David naw ani am, “Khanpughi naw a ghü ah ghangpughang ngawn vai ah a i hawkcha ah na gäng tha lawk ci ang?” cik ci.

ROMAN 12:17

Nami khan ah akshe bi lawk ciah a om ung akshe awn kä nami thung ba vai, chang gui ah maa ah ni kyom nak nami bi vai ah nami k’tha nak vai.

ROMAN 12:19

Teihpüi gui aw, phu kä nami tuk nüng nüng vai, Khanpughi amät naw katnak cu m’htei khai nei. Cacim theing ung, “Kei naw phu ka tuk khai, katnak ah ciah kei naw ka thung khai,” ci ne Bawipa naw pyein ci.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

1 SAMUEL 24:4

Ngami naw ani am, “Shin cu nang ah phäh ah kyak ci! Na ga cu na huham kyang ah tha khai ah Bawipa naw ning m’thein pyi ci, cun ah kyasei nang naw ani ah khan ah na bi hlü na bi hning ci.” David cu ng’vak ne hteit neta, Saul naw kä a hmat ah a suinu cu at ne hteh püi ci.

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

2 SAMUEL 19:22

Cun ung phi David naw Abishai la anau Joab am, “A u naw na ngaih na pyen vai ning shi ne ang? Kei cu tuhbäi Israel ghangpughang tumat ah ka kyak ci, tuh ngawi a u Israel chang phi sih nak kä pek vai” cik ci.

SAM 17:4

Kei cu chang hei gui ah mäih ah akshe ah kä ka thu ci; kei naw na thumkhän cu ka ngai ci, kä chang man ah lam cu kä ka läk ci.