1 SAMUEL 24:9 - Cho Bible Common Language 2016

⁹ ani naw, “Kei naw ka ning bi vai ah ka tha nak ciah chang gui ah pyen cu a i ah kyasei na ngaih ang?

1 SAMUEL 24:9 Referans Kwoze

NG'THU K'THUUK~ 29:12

Uktu naw kä hman ci m’cumcäi nak aläk ah akyak ung bawi gui ami van cu hleeihlak ciah kya yawp ci gui.

JAMES 3:6

M’lei cu mei awn täng ci, cheishoh nak ah phung ah kyak ci; m’lei cu pumsa ah ang pai tumat ah kya ne, shetkat nak cu pumsa avan ung gawk sak ci. M’lei cu mei ah ng’düi ne, mi ghin nak avan cu m’htei mei awn, na uih sak gui thei ci.

NG'THU K'THUUK~ 26:28

Nang naw chang tumat thüi na ne nat nak a gah vai ah na m’hleei ci. Kä nik ciah ng’thu m’gawng cu a kholä, di nak ah kyak ci.

NG'THU K'THUUK~ 25:23

Siip khokhi naw kho k’aa a law püi ah mäiha ah chang pyensak nak naw m’lungshe nak law püi ci.

NG'THU K'THUUK~ 18:8

Ng’pyen sak cu hlim aih sei, m’hni ne mik duuk ci.

NG'THU K'THUUK~ 17:4

Changshe gui naw akshe ah mawng cu ngai ci gui, hleei hlak ci gui naw hleehlak ah mawng cu ngai ci gui.

NG'THU K'THUUK~ 16:28

Ng’thu she cu changshe naw k’pui ci, Cun gui naw khüikha nak thawh sak ci gui, ng’khawt nak cu m’shet sak ci gui.

SAM 141:6

Uk gui ciah ang vai gui cu lung k’song khan ungka naw ami buh tawn gui ah akyak ung, chang gui naw kei ah ng’thu cu hman ciah ng’kya khai gui nei.

SAM 101:5

Chang tumat mat akshe ah m’thüi nak ciah chang cu, kei naw ka nawng khai; chang ah ng’shei ne, chang yaw k’she nak cicu kä ka hnim gei khai.

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

TAIGÜTHUM 19:16

A u chang ah mawng phi hleei ne kä ngak vai. Chang tumat cu a hnun gui ah phäh ah yung ah angceet ah a kyak ung, na saksi nak naw m’htei tu hning vai ah a kyak ung, na ng’thu tu vai. Kei cu Bawipa nei.

1 SAMUEL 20:1

Cun kawn ah David cu Naioth, Ramah ungka naw Jonathan ah hteit neta, “A i ang kei naw ka bi? A i hma katnak ang kei naw ka bi? Kei a na ngawn hlü nak vai ah, a i hma nak ang na pa ah khan ah kei naw ka bi?” cine ng’shik ci.

1 SAMUEL 24:8

David naw a hnu ah läk law neta ani cu khü ci, “Bawi mang aw!” Saul cu ng’hlat law khäta, David naw m’dek ung m’khukdong ne, chang m’sui neta,

1 SAMUEL 24:10

Na mät naw na hmuh hning ci, tuh bäihta shin ah khui ung Bawipa naw nang cu kei ah huham kyong ah ning tha ci. Ka chang amshah naw nang ka ning ngawn vai ah pyen ci gui, cun ung phi nang ah phäh ah a yä neta, nang ah khan ah api ah phi naknak kä bi vai ah ka pyen ci, a i ah kyasei ci ung nang cu Bawipa naw ghangpughang ah a ning ghü ah kyak ci.

1 SAMUEL 26:18

Ani naw k’täi ne, “A i ah kyasei, saza, na na changshäm cu, tuh güt na, na k’täm ang? A i ang kei naw ka bi? A i katnak ang kei naw ka bi?

JEREMIAH 37:18

Cun kawn ah ka ng’shi cu, “Nang naw kei thawng ung na na chum vai ah nang, na bawi gui la shin ah chang gui hnungtuk gui ne kei naw a i katnak ang ka bi?

1 SAMUEL 20:41

Ak hmaw a hteh ba kawn ah, David cu lung pum gui ah hnu ung ka tho law ba ne, m’khukdong ne, m’dek ung thum vei kawp ne khawihnah ci. Ani ni hnih cu kyap ni ne, ng’ui tuk ci goi; David ah thüi cu Jonathan ah ta tä pi ci.