1 SAMUEL 24:4 - Cho Bible Common Language 2016

⁴ Ngami naw ani am, “Shin cu nang ah phäh ah kyak ci! Na ga cu na huham kyang ah tha khai ah Bawipa naw ning m’thein pyi ci, cun ah kyasei nang naw ani ah khan ah na bi hlü na bi hning ci.” David cu ng’vak ne hteit neta, Saul naw kä a hmat ah a suinu cu at ne hteh püi ci.

1 SAMUEL 24:4 Referans Kwoze

1 SAMUEL 26:23

Na chang tumat law ne la law ba sä. Bekhüt ci la düng ciah chang cu Bawipa naw m’cümhnah ci nei. Tuh ngawi nang cu, ani naw ka huham kyong ah ning tha ci nei, cung phi kä ka ning hnim ci, nang cu Bawipa naw ghangpughang ah a ning hmoh ah kyak ci.

1 SAMUEL 24:10

Na mät naw na hmuh hning ci, tuh bäihta shin ah khui ung Bawipa naw nang cu kei ah huham kyong ah ning tha ci. Ka chang amshah naw nang ka ning ngawn vai ah pyen ci gui, cun ung phi nang ah phäh ah a yä neta, nang ah khan ah api ah phi naknak kä bi vai ah ka pyen ci, a i ah kyasei ci ung nang cu Bawipa naw ghangpughang ah a ning ghü ah kyak ci.

1 SAMUEL 24:18

Tuh ngawi kei ah khan ah a i hlawk ah na ni cu na m’dang ci, a i ah kyasei ci ung nang ah huham kyong ah Bawipa naw na tha sei phi nang naw kä na na ngawn ci.

1 SAMUEL 23:17

Ani naw a pyen nak cu, “Kä na kyih vai, kapa Saul naw kä ning hnim hlawt khai. Nang cu Israel ghangpughang ah na kya lawk khai, cun kei naw ka ning tawi lawk khai cicu ani naw ang khai ah hmat ci.

1 SAMUEL 23:7

David keilah ah a hteh ah mawng cu Saul am m’thein ci gui. Ani naw, “Khanpughi naw ani cu kei ah huham kyong ah tha ci nei. Akhäng ah m’kawt pyang ne, k’pang ah gawnu ung hteit ciah David cu amät naw amät pha pyi ci nei,” cik ci.

JOB 31:31

Kei ah bii bik ciah chang gui ami van naw hmat khai gui nei, chang hei nu gui phi ak phlut ah ka dou gui ci nei.

2 SAMUEL 4:8

Ngani naw alu cu Hebron ah ghangpughang David am pe ni neta ani pyen nak cu, “Shin cu nang ning ngawn hlük ciah na ga Saul ah hta Ishbosheth ah lu nei. Tuh ngawi Saul la a hta ng’shon ah khan ah nang bawi naw phu na tuk vai ah Bawipa naw ning bi sak ci nei” cik ci goi.

PHYAWN NAK 21:13

“Cun ung phi bü ne a ngawn ah kä kyak ciah a plawh tu ah a kyak ung, kei naw ka ghü pek ah hmun ung m’hlawt hning nei, ani cu phyawng khai nei.

1 SAMUEL 22:1

David cu mang gaw kath ung ka hteit ne, Adullam gawnupei ah khui ung gawk ci. A phäi nau gui la k’pawih shüt ciah akyong chang gui naw ani cei ah a om cu ng’ya u neta, hmu teng lawk ci gui.

SAM 57:1

Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

SAM 142:1

A na m’htei vai ah Bawipa cu ka khü ci nei; Ani ka ng’pa nak ci nei.