1 SAMUEL 24:11 - Cho Bible Common Language 2016

¹¹ Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

1 SAMUEL 24:11 Referans Kwoze

1 SAMUEL 26:20

A khaw lei hei, Bawipa awn ng’shawng nak ung, kä na ngawn en u sä. A i ah kyasei Israel ghangpughang naw ng’hli ah mäih ah kei cu law ne ana ngawn hlü ang? A i ah kyasei bung ah kha ah mäih ah kei cu ana yäi ang?

1 SAMUEL 23:23

Ani ang thuh nak ah hmun cu ang kheing ah nami teng vai. Cun ung ka, ang düng ah law ba ne, a mawng nami na m’thein law ba vai. Cun kawn ah nangmi awn a täng ah ka hteit tuk khai, cun ah khaw ung ani om lä ciah a kyak ung, ani ka züh khai, Judah khaw avan ung ka shui khai,” cik ci.

1 SAMUEL 23:14

David cu khaw ng’yung bung ah ng’thup ne om ci, cun cu ziph ah pei bungpuk ah kyak ci. Saul naw ani a hmuh vai ah angtäi sei k’tha nak ci, cun ung phi Khanpughi naw David cu ani ah kut ung kä ap ci.

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

2 GHANGPUGHANG GUI 5:13

A changshäm gui naw a om nak ah law u neta ami pyen cu, “Prophet naw khak khai a ning bi sak ung phi nang naw na bi vai kyak ci, tuhbäi na mät tui ung ng’si ne na gai vai ah a pyen ah phäh ah a i ah kä na bi hning vai ang?”

1 SAMUEL 26:18

Ani naw k’täi ne, “A i ah kyasei, saza, na na changshäm cu, tuh güt na, na k’täm ang? A i ang kei naw ka bi? A i katnak ang kei naw ka bi?

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

EZEKIEL 13:18

Uktu Bawipa naw a pyen nak gui cu m’thein gui ä: “Nangmi hnumi gui cu name ng’ziin ci nei! Nangmi naw Chang nü am cecai ne kut pat nak pe ne, chang nü am cecai nak ah lupawng name pek ci nei, cun ah kyasei ngami cu ahei chang gui ah ghin nak la sihnak ah huham cu name kaa na hlük ci, cun cu name mät ah phäh ah name mang hlük ci —

NG’ÄI KYAH 4:18

Ga naw na ngäng gui ci, mikmi lam ung phi kä mi hteit hton hning ci. Mikmi ah hnüüp gui cu ng’phlan pyi ci, khaw ang pyi nak cu gawk lawk ci.

NG'THU K'THUUK~ 15:1

Ng’awigi ciah ng’thu naw m’lung dim sak ci, thu ashe naw m’lung so sak ci.

SAM 140:11

Chang akshe ah yawshe nak ci cu, kä näng en sä; m’ghäi m’ce ci gui cu leigai naw näng ne m’di gui sä.

SAM 35:7

A mawng kä om ciah ami na pha nak vai cuun cung u ne, m’vam phi ak thuk ah co ci gui nei,

JOB 10:16

Avaisü ka tä law ung phi, Kawng vaisü ah na na yun ci; cäi aih gui vai bi ne na na kyihkyawk sak ci.

1 SAMUEL 18:27

David la ak chang gui hteit u ne, Philistin chang phia goi ngawn ci gui. Ani naw Philistin gui ah vun ah gui cu ghangpughang ah law püi neta, avan khei ne ap ci, cun ah kyasei ani cu a kawi ah kya lawk khai kyak ci. Cun ah kyasei Saul naw a hta hnumi Michala cu David naw a chu nak vai ah pek ci.

1 SAMUEL 25:28

Saza, na bä ni, na m’geinsei ä, hma nak ka bi phung cu. Bawipa naw ghangpughang ah ning hmoh khai, na hta ng’shon gui phi a cun ah kyak khai, a i ah kyasei ci ung, nang cu ani ah phäh ah ng’tuk na bik ci; nang cu na ghin ah chuih akshe kä na bik ci.

SAM 59:3

Teng vä! Ngami naw na ngawn vai ne, na ngäng ci gui nei; chang gat gui cu ng’bum ne na hnu ng’tuk püi ci gui nei. Cun cu kei naw hma katnak ka bi ah hmawk ah kä kyak ci nei,

SAM 119:161

Huham ah ciah chang gui naw kä düng ciah na hnim ci gui, cun ung phi na thukhän cu ka kyih aa ci.

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

1 SAMUEL 26:23

Na chang tumat law ne la law ba sä. Bekhüt ci la düng ciah chang cu Bawipa naw m’cümhnah ci nei. Tuh ngawi nang cu, ani naw ka huham kyong ah ning tha ci nei, cung phi kä ka ning hnim ci, nang cu Bawipa naw ghangpughang ah a ning hmoh ah kyak ci.

2 SAMUEL 1:14

David naw ani am, “Khanpughi naw a ghü ah ghangpughang ngawn vai ah a i hawkcha ah na gäng tha lawk ci ang?” cik ci.

SAM 7:5

Ka ga gui naw na k’täm ne nap ha u sä, ngawn ne m’dek ung na m’shän u ne, ka hun gui cu m’vut ung k’caw u sä!