1 SAMUEL 24:10 - Cho Bible Common Language 2016

¹⁰ Na mät naw na hmuh hning ci, tuh bäihta shin ah khui ung Bawipa naw nang cu kei ah huham kyong ah ning tha ci. Ka chang amshah naw nang ka ning ngawn vai ah pyen ci gui, cun ung phi nang ah phäh ah a yä neta, nang ah khan ah api ah phi naknak kä bi vai ah ka pyen ci, a i ah kyasei ci ung nang cu Bawipa naw ghangpughang ah a ning ghü ah kyak ci.

1 SAMUEL 24:10 Referans Kwoze

SAM 105:15

“Ka ghü ah ka changshäm gui cu kä nami hnim gui vai; ka prophet gui cu kä nami tawn en vai.”

1 SAMUEL 24:4

Ngami naw ani am, “Shin cu nang ah phäh ah kyak ci! Na ga cu na huham kyang ah tha khai ah Bawipa naw ning m’thein pyi ci, cun ah kyasei nang naw ani ah khan ah na bi hlü na bi hning ci.” David cu ng’vak ne hteit neta, Saul naw kä a hmat ah a suinu cu at ne hteh püi ci.

PHYAWN NAK 21:13

“Cun ung phi bü ne a ngawn ah kä kyak ciah a plawh tu ah a kyak ung, kei naw ka ghü pek ah hmun ung m’hlawt hning nei, ani cu phyawng khai nei.

1 SAMUEL 24:9

ani naw, “Kei naw ka ning bi vai ah ka tha nak ciah chang gui ah pyen cu a i ah kyasei na ngaih ang?

SAM 7:3

O Bawipa, ka Khanpughi, Kei naw a cun ah ka biah a kyak ung, ka kut ung cheishoh nak a om ah a kyak ung,

SAM 7:4

ka püipaw cu kat na ne, amawngma kä om ciah guttep ci ka kyak ung,

SAM 125:3

Changshe gui naw chang düng gui ah kho cu, kä uk lä khai gui; Ami uk lä ah a kyak ung chang düng gui naw phi, akshe bi lawk khai gui.

TAIGÜTHUM 19:16

A u chang ah mawng phi hleei ne kä ngak vai. Chang tumat cu a hnun gui ah phäh ah yung ah angceet ah a kyak ung, na saksi nak naw m’htei tu hning vai ah a kyak ung, na ng’thu tu vai. Kei cu Bawipa nei.

EZEKIEL 22:9

Nami chang amshah gui naw chang ah mawng ami hleei pyen ne, sih nak ung gawk sak ci gui. Amshah naw agup gui am douthak ah khawihnah nak cu ei ci gui. Amshah gui cu akphlüt ah ng’yaw kawh ne ng’büh ci gui.