1 SAMUEL 23:6 - Cho Bible Common Language 2016

⁶ Ahimelek ah hta Abiatha cu phyawng ne, keilah ah David cu ang dawn tu yah ung, ani naw shawi cu hteh püi ci.

1 SAMUEL 23:6 Referans Kwoze

1 SAMUEL 22:20

Cun ung phi Ahimelek ah hta tumat Abiatha cu phyawng ne, hteit ne David ung ng’dawn tuk ci.

1 SAMUEL 14:18

Saul naw taigüpa Ahijah am, “Shawi phaw law pui ä” cik ci. (Cun hnüüp ung cun cu Ahijah naw Israel chang gui ah ma ah kawt ci.)

1 SAMUEL 14:3

(Shawi phaw kawt ciah taigüpa cu Ahijah ah kyak ci, ani cu Ichabod ah phäi Ahitub ah hta ah kyak ci, Ahitub cu Phinehas ah hta Eli ah tu ah kyak ci, Eli cu Shilon ung Bawipa ah taigüpa ah kyak ci.) Jonathan a hteh cu chang gui naw kä hmat ci gui.

1 SAMUEL 23:2

“Hteit ne, Philistin gui ka tu gui vai ang?” cine Bawipa cu ng’shi ci. Bawipa naw, “Ä, ngami tu gui ne, keilah cu gung ä” cik ci.

1 SAMUEL 23:5

Cun ah kyasei David la a chang gui cu keilah ah hteit ne Philistin gui cu tu gui ci gui; ngami naw akda ngawn gui u ne, ami vuhchah phi lak ci gui. Cun cu David naw gawnu a gun ah mawng ah kyak ci.

1 SAMUEL 23:7

David keilah ah a hteh ah mawng cu Saul am m’thein ci gui. Ani naw, “Khanpughi naw ani cu kei ah huham kyong ah tha ci nei. Akhäng ah m’kawt pyang ne, k’pang ah gawnu ung hteit ciah David cu amät naw amät pha pyi ci nei,” cik ci.

1 SAMUEL 23:9

Saul naw tu lawk khai ah apawng ah mawng cu David naw ng’ya neta, ani naw taigüpa Abiatha am, “Shawi sha law püi ä” cik ci.

1 SAMUEL 30:7

David naw taigüpa Abiatha, Ahimelek ah hta am, “Shawiphaw na thak law ä” ci sei Abiatha naw thak law ci.

1 GHANGPUGHANG GUI 2:26

Cun kawn ah Solomon ghangpughang naw taigü Abiatha a pyen nak cu, “Anathoth, na khaw ah hteit ba ä. Nang cu na si khin te ci, cun ung phi tuhbäi sih nak kä ka ning pek khai, kapa David ah pei ah na om sangung nang cu Bawipa ah Thukhän M’küm ngäng ciah na kyak ci, ani ah yaica nak avan cu na awt püt ciah kyak ci.”

PHYAWN NAK 28:6

“Ngami naw shawiphaw cu pyai akpong, ak ih la asen ni ah kyak ciah memu ni, ghui pyai ni, linen ni awn cüiche ne ami tah vai nei.