1 SAMUEL 23:4 - Cho Bible Common Language 2016

⁴ Cun ah kyasei David naw Bawipa ng’shi ba ci, Bawipa naw ani am, “Hteit ne keilah na tuk vai, Philistin gui ah khan ah näng nak vai kei naw ka ning pek khai” cik ci.

1 SAMUEL 23:4 Referans Kwoze

SUKI GUI 7:7

Bawipa naw Kideon am, “Tui m’leik ne awk ciah chang phia thum awn kei naw ning gung ne Midianit gui ah khan ah näng nak ka ning pek khai. Cun kawn ung ka ami van im ah ami hteh ba vai ah pyen na gui ä” pyen nak ci.

JOSHUA 8:7

Cun kawn ah nanmi naw nami ng’thuh nak ungka ng’phäi law ne mang gaw cu nami khäm vai. Bawipa nami Khanpughi naw cun ah gaw cu ning pe gui khai.

2 GHANGPUGHANG GUI 3:18

Elisha naw k’täi ne, “Bawipa naw shin ah a bi vai cu yäi ci nei; ani naw Moabit gui ah khan ah näng nak phi ning pe gui khai nei.

2 SAMUEL 5:19

David naw Bawipa ng’shi ne, “Philistin gui ka tuk gui vai aw? Näng nak na na pek khai aw?” cik ci. Bawipa naw, “Ä, na tuk gui vai nei, kei naw näng nak ka ning pek khai nei” cik ci.

1 SAMUEL 28:6

Cun ah kyasei a i ka bik khai cine Bawipa cu ng’shik ci. Cun ung phi Bawipa naw kä m’shang pang ci, ng’mang ung phi kia, Urim, Thummim la prophet awn phi kä m’shang ci.

SUKI GUI 6:39

Kideon naw Khanpughi ah, “Kei ah khan ah kä m’lungshe en ä; thu m’kha ät bang na pyen ba sak ä. Na bä ni, hnü ät bang htawmu awn na m’nüm ba sak ä. Tuhbäi ung htawmu cu hu ne, m’dek cu ng’shüi sä” cik ci.

1 SAMUEL 10:22

Bawipa cu ng’shik ci gui, “A hei chang kä om ba ne ma?” Bawipa naw, “Saul cu ca om ci, i baw gui ah hnu ah ng’thup ci nei” cik ci.

1 SAMUEL 23:2

“Hteit ne, Philistin gui ka tu gui vai ang?” cine Bawipa cu ng’shi ci. Bawipa naw, “Ä, ngami tu gui ne, keilah cu gung ä” cik ci.

1 SAMUEL 23:3

David ah ak chang gui naw ani am, “Mikmi shin ah Judah ung kyikyawk ne mi om ci, mikmi keilah ah hteit ne, Philstin gui mi tuk gui ung mikmi ung ka pi khai nei!”

1 SAMUEL 23:5

Cun ah kyasei David la a chang gui cu keilah ah hteit ne Philistin gui cu tu gui ci gui; ngami naw akda ngawn gui u ne, ami vuhchah phi lak ci gui. Cun cu David naw gawnu a gun ah mawng ah kyak ci.

1 SAMUEL 30:8

David naw Bawipa han ng’shi ne, “Cun ah tu lawk ciah chang gui ka läk gui vai aw? Ka pha gui vai aw” cik ci. Ani naw, “Ami hnu ah läk gui ä, pha gui ne, amo pha gui cu gung gui ä,” cik ci.

2 SAMUEL 2:1

Cun kawn ah David naw Bawipa ah ma ah, “Kei naw hteit ne Judah gawnu tumat mat la ne ka k’pan vai ang?” cik ci. Bawipa naw, “Ä” cik ci. David naw, “A hawn ah gawnu ang?” cik ci. Bawipa naw, “Hebron” cik ci.

SUKI GUI 7:9

A cu mü Bawipa naw Kideon ang thumkhän cu, “Tho law ne phung cu tu hnim ä; cun ah khan ung näng nak kei naw ka ning pek khai nei.

1 SHONTÄP NAK 14:10

David naw Khanpughi ng’shik ci, “Philistin gui ka tuk gui vai aw, nang naw näng nak na na pek khai aw?” Bawipa naw, “Ä, tu gui ä! Kei naw näng nak ka ning pek khai nei!” cik ci.