1 SAMUEL 23:27 - Cho Bible Common Language 2016

²⁷ Cun ah ng’lak ung thupyenei tumat gawk law ne Saul am, “Ang ghit ah law ba ä, Philistin gui naw mi khaw tu lawk ci gui nei!” cik ci.

1 SAMUEL 23:27 Referans Kwoze

2 GHANGPUGHANG GUI 19:9

Assirian gui ah gawk lawk ciah ng’thu cu, Sudan ghangpughang Tirhakah Lama ciah Egypt gakap gui cu ngami tu gui khai ah lawk ci gui, ciah kyak ci. Cun cu uktubawi naw ng’ya neta, ani naw ca tumat gu ne Judah ghangpughang Hezekiah am pe ne,

THU PHLAAN 12:16

Cun ung phi khomdek naw am gawng m’aan ne, shawk ah m’gawng ung lut lawk ciah tui avan cu m’yaw yawp netah hnuminu cu phiawn sak ci.

SAM 116:3

Sihnak ga naw kei cu na koi ne; Tüükyaai ciah ng’phuh hmun naw na khai shi sei; kei cu kyih nak la cäi nak awn ka be ci.

1 SHONTÄP NAK 14:13

Philistin gui cu khongnawi ah law ba mä u ne, guttep law ba ci gui.

THULÄÄN NAK 32:36

Ami thagui ng’pyi sei a hmuh gui ung, Bawipa naw a chang gui cu gung gui khai. Am gein kaa ah kya u sei a hmuh gui ung, Abii bik ciah chang gui cu Bawipa naw chimgein gui khai.

ATÜNNAK 22:14

Cun ah hmun cu Abraham naw, “Jehova Jereh” ah sui ci. Cun cu tuh ngawi güt ung “Bawipa naw a pek nak ah m’htung” cine pyen ci gui.

1 SAMUEL 23:26

Saul la a chang gui cu khomhtng ah vangtäng ah om ci gui, ngami awn ng’lakmah ne David la achang gui cu vangtäng ah om ci gui. Ngami cu Saul la a chang gui ang ghit ah dawng ta ne dawng ci gui, ngami cu ng’et law u ne, pha law gui khai ah kya sei.

1 SAMUEL 23:28

Cun ah kyasei Saul naw David a gawt cu ng’düm ne, Philistin gui tuk khai ah hteit ba ci. Cun ah kyasei cun ah hmun cu “Ng’pai nak a m’htung ah ami pyen ah kyak ci.

1 SAMUEL 27:10

Achish naw ng’shik ci, “Tuhbäi a i ung khüt ne ang nami tuk, nami khä” cine ng’shik ci. David naw, Judah khaw a htum lam Jerahmeela pahta gui ah khaw, kenit chang gui ah om nak ah khaw ung khüt ciah a mawng m’thein tuk ci.