1 SAMUEL 23:26 - Cho Bible Common Language 2016

²⁶ Saul la a chang gui cu khomhtng ah vangtäng ah om ci gui, ngami awn ng’lakmah ne David la achang gui cu vangtäng ah om ci gui. Ngami cu Saul la a chang gui ang ghit ah dawng ta ne dawng ci gui, ngami cu ng’et law u ne, pha law gui khai ah kya sei.

1 SAMUEL 23:26 Referans Kwoze

SAM 17:9

Changshe gui ah ngawn sheh nak ung nak phyawn ä. Sihnak ah gaa gui naw na khaai ci gui nei;

THU PHLAAN 20:9

Ngami cu khomdek khan avan ung püi u ne, Khanpughi ah chang gui ah ng’düm hmun la ani ah m’hni ah mang gaw cu khaai yawp ci gui. Cun ung phi khankho ah kaa meidäi kya law ne, ngami cu ui gui yawp ci.

2 KORIN 1:8

Phäinau gui aw, Asia kho ah ka mi aut ah yaica nak ah mawng cu ka ning m’htein gui hlük ci. Cun ah yaica nak cu däm ne gih aih khätah, ghin nak hngaw kami hnu ng’hlah tak ci nei.

SAM 31:22

Kei cu ka kyik ci, ama ung ka, nak tääm khai ah ka ngai ci. Cun ung phi anam htei vai ah ka ng’khü yah ung, ka kyah cu ng’yak ci nei.

SAM 22:16

Changshe gui naw na koi u ne, ui ah mäih ah ng’na ne, ka kut kho ung na htui ci gui nei.

SAM 22:12

Gaa akda naw sei gui ah mäih ah kya ne na koi ci gui; ngami ami van naw Bashan sei nget ah mäih ah kya ne na k’fi ci gui.

SAM 17:11

Ngami naw na kiung ci gui nei, ka ng’hlah nak päng ah, ami na buh tawn nak vai däät ne na teng ci gui nei.

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

2 SAMUEL 15:14

Cun ah kyasei David naw Jerusalem ung om ciah a bawi gui avan am, “Mikmi cu Absalom ah kut ung mi phyawn hlü ung ang ghit ah mi dawng khai nei! Yaang vä! Kä cun ung ani ang ghit ah gawk law ne, na hnim gui ne, mang gaw ung chang nü ngawn khai nei!” cik ci.

1 SAMUEL 20:38

Cän ung kä ng’düi ä! Ang ghit ah law ba ä! Ak hmaw naw m’la cu kaw ne, a bawi ah om nak ah law ba ci,

1 SAMUEL 19:12

Achu naw m’kawt hta ung luh law sak sei, ani cu dawng ne phyawng ci.

SUKI GUI 16:2

Kaza ung chang gui naw Samson a om cu hmu u neta, a om nak ah hmun cu koi u ne, mang gaw m’kawt ung amü pum ngäng ci gui. Ngami cu a mü pum adüm ah om ci gui, ami mät naw ngai u ne, “Mikmi naw khaw a thaih güt mi ngäng khai, cun kawn ah ani cu mi ngawn khai” cik ci gui.

1 SAMUEL 23:25

Saul la a chang gui naw David shui vai ah hteit ci gui, cun ung phi ani naw cun ah mawng ng’ya neta, Maon bung, lungsong m’htung ah hteit ne om ci. Saul naw a cun ng’ya neta, David ah a hnu ah k’täm ci.

1 SAMUEL 23:27

Cun ah ng’lak ung thupyenei tumat gawk law ne Saul am, “Ang ghit ah law ba ä, Philistin gui naw mi khaw tu lawk ci gui nei!” cik ci.