1 SAMUEL 23:14 - Cho Bible Common Language 2016

¹⁴ David cu khaw ng’yung bung ah ng’thup ne om ci, cun cu ziph ah pei bungpuk ah kyak ci. Saul naw ani a hmuh vai ah angtäi sei k’tha nak ci, cun ung phi Khanpughi naw David cu ani ah kut ung kä ap ci.

1 SAMUEL 23:14 Referans Kwoze

SAM 32:7

Nang cu ka ng’thuh nak ah na kyak ci; Nang naw khüikhai nak ung na na hun khai; Na hun nak ah mawng m’lau ne ng’äi ka m’cu khai, cun cu na na shungvong ah hmawk ah kyak ci.

JOSHUA 15:55

Cun kawn ah Maon, Karmela, Ziph, Juttah,

JOSHUA 15:24

Ziph, Telem, Bealoth,

2 TIMOTHI 3:11

ka dukdeiu nak, la ka geinvai nak gui cun phi nak shing pyi ci nei. Antioch, Iconium, Listra gawnu gui ung, kei naw a i hlawk ah dukdeiu nak ka buiaut gui cu na hmat ci nei. Cun ung phi Bawipa naw cun gui ungka nak phiawn pyi ci nei.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

NG'THU K'THUUK~ 4:16

Chang shekha gui cu cheishoh nak kä ami bi ung kä ip hlawt ci gui. Chang tumat kä ami m’di ung kä cimgang ci gui.

NG'THU K'THUUK~ 1:16

Ngami cu akshe bi vai ah kä ng’giin ci gui. Chang ngawn vai ah patyaang ci gui.

1 SAMUEL 27:1

David cu amät ng’htau ne, “Khaw hnüüp ät ung Saul naw na ngawn khai. Kei ah phäh ah aknipi cu Philistin ah phyawn vai ah hteh vai ah kyak ci. Cun ung Saul naw Israel khaw ung ana shui m’lung si khai, cun ung kei ka phyawng khai.”

1 SAMUEL 23:7

David keilah ah a hteh ah mawng cu Saul am m’thein ci gui. Ani naw, “Khanpughi naw ani cu kei ah huham kyong ah tha ci nei. Akhäng ah m’kawt pyang ne, k’pang ah gawnu ung hteit ciah David cu amät naw amät pha pyi ci nei,” cik ci.

1 SAMUEL 23:15

Saul naw ani ngawn khai ah a law cu David naw hmuk ci. David cu ziph bungpuk pei Horesh ung om ci.

1 SAMUEL 24:11

Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

2 SHONTÄP NAK 11:8

Kath, Mareshah, Ziph,

SAM 55:7

Kei cu a hei ah zong neta, bungpuk im nah ne ka om hlük ci nei.