1 SAMUEL 23:13 - Cho Bible Common Language 2016

¹³ David la a chang gui phia chuk cu, keilah ang ghitah naw u ne, a hei ah ng’nawn ci gui. Keilah ungka David ni ami dawng cu Saul naw ng’ya neta, a pawng püi cu m’lung si ci.

1 SAMUEL 23:13 Referans Kwoze

1 SAMUEL 25:13

David naw k’bäi ne, “Nami khim k’bah vä” ci sei ami van naw k’bah ci gui. David phi a khim k’bah neta, a chang phia phli cu khah püi ne, phia goi am ami khawh cham gui cu ngäng sak gui ci.

1 SAMUEL 22:2

Ami yawshe nak gui, apu da ci gui, la kä yum ci gui cu ani ah lawk ci gui, avan cu chang phia phli lawk ci gui, ani cu ami ng’vai pi ah kya lawk ci.

2 SAMUEL 15:20

Nang mi shin ung a shäng va nami om tuk khai, cun ah kyasei, a i vai kei naw, kei awn a täng ah nami ng’vak shüi khai ah ka ning ci gui vai ang? Kei a hawi ka hteh vai cu ka mät naw phi kä ka hmat ci. Hteit ba ne, nami khaw-chang gui cu hteh püi ba gui vä — Bawipa naw ning m’gein gui ne nangmi ung bekhüt sä” cik ci.

2 SAMUEL 15:18

Abawi avan cu ani tawi ne ng’düi ci gui, bekhüt ne ani ngäng ciah chang gui cu ma ne, ama ung hteit ci gui. Gath ungka ani läk lawk ciah gakap phia chuk phi ma ne hteit ci gui.

JOB 5:12

Ani naw theileh ci gui ah pawngpüi cu lule lat ci, Cüivai ci gui cu ami mät ah m’hnüt bäi ung pha gui ci. Cun ah kyasei a i phi ami bi ung näng nak kä om ci;

SAM 34:5

Ami shedam nak ah chang gui ani teng ne, yei ci gui; Ngami cu kä cäi ng’ä phung khai gui.