1 SAMUEL 22:8 - Cho Bible Common Language 2016

⁸ Cun ah kyasei nangmi naw nami na hnu ng’tuk püi ciah kä kya ne ma? Ka mät ah hta naw David awn ng’gei nak abi ah mawng a u naw phi kä na mi na m’thein ci. A u phi kei ah kä nami ng’ä ci. Ka mät ah chang, David naw kei a na ngawn nak vai ah khin ashui ah manwg la, ka hta naw a hnün thawh püi ah mawng cu a u naw phi kä nami na m’thein ci!” cik ci.

1 SAMUEL 22:8 Referans Kwoze

1 SAMUEL 18:3

Jonathan naw David cu angtäi sei ng’khawt püi khai ah k’bäi ci, a i ah kyasei ci ung ani naw a yei nak aih su ah kyak ci.

1 SAMUEL 23:21

Saul naw, “Kei nami na m’hni aih ah phäh ah Bawipa naw hriham ning pe gui sä!

JOB 33:16

A pyen cu ami ngaih vai ah ani naw pyang gui ci. Ani ah m’cäi m’catnak awn ngami cu kyik ci gui.

1 SAMUEL 20:42

Cun kawn ah Jonathan naw David am, “Khanpughi naw ning om püi sä. Nik ni naw ni bi ah theing ciah shaitak cu, nang la kei la, nang ah hta ng’shon la kei naw ng’hteicha sak khai nei,” cik ci. Cun kawn ah David hteit sei, Jonathan cu pigaw ah hteit ba ci.

1 SAMUEL 20:8

Kei ah phäh ah shin na na bi pek vai, kei ung na bi ah theingthap ciah shaitak cu na pan vai. Cun ung phi ka katnak a om ung na mät naw na ngawn ä! A i ah kyasei na pa naw ana ngawn vai ah na na hteh püi vai ang?” cik ci.

1 SAMUEL 20:2

Jonathan naw, “Khanpughi naw nang na sih vai cu ma nak ci! Kapa naw abi päng vai küikyang ci phi na m’thein ci, shin ah mawng ani naw kä na m’zih khai, cun cu kä hman ci nei!”

1 SAMUEL 22:13

Saul naw ng’shi ne, A i ah kyasei nang la David naw nani na hnu ng’tuk püi ang? A i ah kyasei ani am, ei vai ni, khim ni pe ne, Khanpughi ung na ng’ge pek ang? Tuhbäi ani ng’hlat ne kei na hnu ng’tuk püi ne, kei ana ngawn nak vai ah akhin cu ngäng ci nei!” pyen nak ci.

1 SAMUEL 18:1

Saul la David cu ng’htau yawp ci goi. Cun kawn ah Saul ah hta Jonathan naw David cu yei na aih neta, amät naw amät am hni ah mäih ah David cu m’hni ci.

2 GHANGPUGHANG GUI 6:11

Sirian ghangpughang cu a shin ah phäh ah anghtei ah thüisei neta; ani naw a bawi gui cu khü gui ne ng’shi gui ci, “Nangmi ungka, a u ang Israel ghangpughang täng ah a kyak tu?”