1 SAMUEL 22:4 - Cho Bible Common Language 2016

⁴ Cun ah kyasei David naw anu pa gui cu Moab ghangpughang ah nawng shüt gui sei, David khui ung ang thuh ah chuih aca om tuk ci gui.

1 SAMUEL 22:4 Referans Kwoze

SAM 11:1

Bawipa ung phyawn vai ah ka ng’yii ci. A i hawkcha nang naw, shin ah thu na na pyen nak khai ang, “Kha ah mäih ah khomhtung ah zong ä,

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

NEHEMIAH 6:11

Kei naw m’shang ne, “Kei cu dawng ci la ng’thup ciah chang ah ng’khaw ah kä ka kyak ci. Kei cu Taigüim ah ng’thup ne ka hnun ka k’phiawn khai ah na ngai ne ma? Cun ah kä ka kyak khai.”

2 SHONTÄP NAK 29:25

Ghangpughang ah prophet Kad la prophet Nathan ungka naw Bawipa naw ghangpughang David am a pek ah m’shümthein nak gui cu ghangpughang naw läk ci. Levit gui cu tingtäng la ng’sheei gui pe gui ne Taigüim ung tha gui ci.

1 SHONTÄP NAK 29:29

David ghangpughang ah a mawng tün nak ungka naw ang pyi nak ung khüt sei, prophet gui thum ah ca ung ami guk ah kyak ci, cun gui cu Samuela, Nathan, la Kad ah kyak ci.

1 SHONTÄP NAK 21:9

Cun kawn ah Bawipa naw David ah prophet Kad am, “Hteit ne, David am,

1 SHONTÄP NAK 12:16

Hnü ät ung Benjamin la Judah pakhui ungka chang gui cu David ah om nak mangpang ah hteit ci gui.

2 SAMUEL 24:11

Bawipa naw, David ah prophet Gad am, “Hteit ne David am na m’thein vai cu, kei naw a ghü vai thum ka pek ci. Ani naw a ghü cu kei naw ka bik khai nei” cik ci. A ngawi ung khaw ngawi David a thawh law kawn ah,

1 SAMUEL 22:3

David cu a cun ungka naw Moab khaw Mizpah ah hteit ne, Moab ghangpughang ah ma ah, “Na bä ni, Khanpughi naw kei ah phäh ah a i abi law kä ka hmuh pha a chuih kanu la kapa cu law ne nang awn a täng ah om tu ni sä,” cik ci.

1 SAMUEL 22:5

Cun kawn ah prophet Gad cu David ah law neta, a pyen cu, “Shin ung kä om tu vä, Judah khaw ah tuhbäi hteit ba vä” cik ci. Cun ah kyasei David cu Hereth bung ah hteit ci.

2 SAMUEL 8:2

Cun kawn ah Moab chang gui hnim gui ci. Ani naw thawng kyum gui cu m’dek ung ng’yän sak gui neta thum ungka hnih ci laih laih ngawn gui ci. Cun ah kyasei Moab chang gui cu ak chang ah kya u ne, phlam phi ani am pek ci gui.

1 SHONTÄP NAK 11:16

Cung yah ung David cu m’htung khan ah vongpang ung om ci, Philistin amshah gui naw Bethlehem cu tu ne khäm ci gui.