1 SAMUEL 22:3 - Cho Bible Common Language 2016

³ David cu a cun ungka naw Moab khaw Mizpah ah hteit ne, Moab ghangpughang ah ma ah, “Na bä ni, Khanpughi naw kei ah phäh ah a i abi law kä ka hmuh pha a chuih kanu la kapa cu law ne nang awn a täng ah om tu ni sä,” cik ci.

1 SAMUEL 22:3 Referans Kwoze

1 TIMOTHI 5:4

Cun ung phi cun ah hmeinu ung a hta gui, atu gui, a om ah a kiak ung ngami cu ami mät ah kyongkhui ung ami yum nak ah mawngma la tu m’bei m’ghinsei gui ciah ami nupa pupi gui, ami m’hteihtang tuba vai ah mawngma gui cu ami theithang ma vai nei, cun cu Khanpughi ah ng’yak hlü ah kyak ci.

1 SAMUEL 14:47

Saul naw Israel ghangpughang ah a kyak law kawn ah akhaw päng ung a ga gui avan cu tu gui yawp ci: Ammon la Edom, Moab chang gui, Zobah la Philistin ghangpughang gui. Atuk nak päng ah ani cu näng ci.

1 SAMUEL 3:18

Cun ah kyasei Samuel naw a päng m’thein ci; a i hta phi kä m’zih ci. Eli naw, “Ani cu Bawipa nei; ani ung om ciah aknipi phung cu ani naw bik khai nei” cik ci.

RUT 4:17

Ami pei leng ah hnumi gui naw a hmaw ah ming cu Obed ah sui ci gui. Ngami naw chang pang ah ma ah, “Naomi ah phäh ah hta pami ng’tüi pyi ci nei” cik ci gui. Obed cu Jesse ah pa ah kia lawk ci, Jesse cu David ah pa ah kya lawk ci.

RUT 4:10

Moab hnumi, Mahlon ah hmeinu, Ruth phi kei ah chu ah kyak ci nei. A shin naw sik ciah chang kyong khui ung khawhcham cu ng’khäm sak ne, a chang gui la apigaw cu ani ah kyong khui naw pakhui m’düng khai nei. Nangmi cu tuhngawi shin ah saksi ah nami kyak ci nei” cik ci.

SUKI GUI 11:29

Cun kawn ah Bawipa ah Mumcha cu, Jephthah ah khan ah gawk lawk ci. Ani cu Kilead la Manasseh zung ah hteit neta, ng’hlat ne Kilead khaw Mizpah ung lawk ci, cun ungka naw Ammon ung hteit ba ci.

PHYAWN NAK 20:12

“Na nu la na pa cu na chang m’sui vai, cun ung ka ning pek ah khaw ung ghing shon ne na om khai.

ATÜNNAK 47:11

Ghangpughang naw a pyen ah mäih ah Joseph naw apa la a phäinau gui cu Egypt khaw ung om sak gui ne, ang lei nipi khaw hmun Ramese mang gaw pei cu pe gui ci.

1 SAMUEL 22:2

Ami yawshe nak gui, apu da ci gui, la kä yum ci gui cu ani ah lawk ci gui, avan cu chang phia phli lawk ci gui, ani cu ami ng’vai pi ah kya lawk ci.

1 SAMUEL 22:4

Cun ah kyasei David naw anu pa gui cu Moab ghangpughang ah nawng shüt gui sei, David khui ung ang thuh ah chuih aca om tuk ci gui.

2 SAMUEL 8:2

Cun kawn ah Moab chang gui hnim gui ci. Ani naw thawng kyum gui cu m’dek ung ng’yän sak gui neta thum ungka hnih ci laih laih ngawn gui ci. Cun ah kyasei Moab chang gui cu ak chang ah kya u ne, phlam phi ani am pek ci gui.