1 SAMUEL 22:20 - Cho Bible Common Language 2016

²⁰ Cun ung phi Ahimelek ah hta tumat Abiatha cu phyawng ne, hteit ne David ung ng’dawn tuk ci.

1 SAMUEL 22:20 Referans Kwoze

1 SAMUEL 23:6

Ahimelek ah hta Abiatha cu phyawng ne, keilah ah David cu ang dawn tu yah ung, ani naw shawi cu hteh püi ci.

1 SAMUEL 30:7

David naw taigüpa Abiatha, Ahimelek ah hta am, “Shawiphaw na thak law ä” ci sei Abiatha naw thak law ci.

1 SAMUEL 23:9

Saul naw tu lawk khai ah apawng ah mawng cu David naw ng’ya neta, ani naw taigüpa Abiatha am, “Shawi sha law püi ä” cik ci.

JOB 1:19

khaw ng’gau khaw ah ka puikhaw khi lawk ci. Acun naw im cu khi hlit ne chang gui avan ngawn gui ci. Kei bäng phyawng ne ng’thu ka ning m’thein lawk ci nei” cik ci.

1 SAMUEL 4:12

Benjamin pakhui ung ka chang tumat cu ng’tuk nak ah hmun ung ka Shilon ah khüt ne dawng law ba ci, a cu hnüüp gawk law ba ci. A thüi aih am dang nak ah, a sui k’teek ne, a lu khan ah m’dek tha ci.

1 SAMUEL 2:33

Cun ung phi na hta ng’shon tumat ghing khai ah ka k’pang khai, ani naw taigüpa ah kya ne, ka bi bik khai. Cun ung phi ani cu amik m’dauh khai, ang ngaih nak avan maih khai, a hei na hta ng’shon gui ami van cu leigai sih nak ung si yawp khai gui.

2 SAMUEL 20:25

Sheva cu ca guk ciah ng’vai pi ah kyak ci; Zadok la Abiatha cu taigü ah kyak ci goi,

1 SAMUEL 14:3

(Shawi phaw kawt ciah taigüpa cu Ahijah ah kyak ci, ani cu Ichabod ah phäi Ahitub ah hta ah kyak ci, Ahitub cu Phinehas ah hta Eli ah tu ah kyak ci, Eli cu Shilon ung Bawipa ah taigüpa ah kyak ci.) Jonathan a hteh cu chang gui naw kä hmat ci gui.

1 SAMUEL 22:21

Bawipa ah taigüpa gui Saul naw a ngawn gui yawp ah mawng cu ani naw m’thein tuk ci.

2 SAMUEL 15:24

A cun ung taigüi Zadok cu om ci, ani awn a täng ah Levit chang gui phi om ci gui, ngami naw Thukhän M’küm cu kawt ci gui. Ngami naw cun cu hmoh u ne, chang avan mang gaw ungka, kä a luh law pha ah chuih kä chang ba ci gui. Taigü Abiatha phi a cu ah om tuk ci.

1 GHANGPUGHANG GUI 1:7

Ani naw Joab (anu cu Zeruiah) la taigü Abiatha cu niipüi goi sei, ngani naw ng’düih püi vai ah yum ci goi.

1 SHONTÄP NAK 15:11

David naw taigü gui Zadok la Abiatha la Levit sing chuk, Uriel, Asaiah, Joela, Shemaiah, Eliela la Amminadab cu khü gui ci.

1 SHONTÄP NAK 18:16

Ahitub ah hta Zadok, la Abiatha ah hta Ahimelek cu taigü ah kyak ci goi; Seraiah cu yung ung secretary ah kyak ci;