1 SAMUEL 22:2 - Cho Bible Common Language 2016

² Ami yawshe nak gui, apu da ci gui, la kä yum ci gui cu ani ah lawk ci gui, avan cu chang phia phli lawk ci gui, ani cu ami ng’vai pi ah kya lawk ci.

1 SAMUEL 22:2 Referans Kwoze

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

1 SAMUEL 30:6

David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

1 SAMUEL 25:13

David naw k’bäi ne, “Nami khim k’bah vä” ci sei ami van naw k’bah ci gui. David phi a khim k’bah neta, a chang phia phli cu khah püi ne, phia goi am ami khawh cham gui cu ngäng sak gui ci.

1 SAMUEL 23:13

David la a chang gui phia chuk cu, keilah ang ghitah naw u ne, a hei ah ng’nawn ci gui. Keilah ungka David ni ami dawng cu Saul naw ng’ya neta, a pawng püi cu m’lung si ci.

1 SAMUEL 9:16

am “Ngawi ung a tuhbäi chü, Benjamin pakhui ung ka chang tumat ka ning tüih lawk khai, ani cu Israel chang uktu ah na phyuh theh vai nei, ani naw Philistin gui ung ka phyawn gui khai nei. Kei naw ka chang gui ah gein vai nak cu hmu ne, m’htei gui vai ah ami kyah cu ka ng’yak ci nei.”

SUKI GUI 11:3

Jephtha cu a phäinau gui dawng ta gui ne, Toba khaw ah hteit ne om ci. Acu ah kä chu ciah chang gui naw yeikyai na u ne, a hnu ah läk ci gui.

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

MATTHE 11:12

Tuihnim Johan naw ng’thu a pyein law ung tün ne, tuhngawi ung khüt sei khankho cu, changshe gui naw ng’tuk ng’ah püi ci gui. Cun ah kho cu changshe gui naw khäm yawp vai ah k’tha nak ci gui.

NG'THU K'THUUK~ 31:6

Agak cu si law hlük ci la geinvai ciah chang ah phäh ah kyak ci.

2 GHANGPUGHANG GUI 20:5

Bawipa ah chang gui uk ciah Hezekiah ah va hteit ba ne, na pyen nak vai, “Kei, Bawipa, na pughi David ah Khanpughi naw na taigü cu ng’ya ne na ng’phli tui cu ka hmuk ci nei. Kei naw ka ning gai sak khai, a hnüüp thum ung nang cu Taigüim ah na hteit khai.

2 SAMUEL 17:8

Na pa David la a chang gui cu ng’tuk m’khüt ciah chang gui, a hta ami guh ung nget ciah khawm ah mäih ah nget ciah chang gui ah kyak ciah na hmat ci. Napa cu ng’tuk bi chüm ciah gakap ah kyak ci, ak chang gui awn a täng ah mü ah kä ip ci.

2 SAMUEL 5:2

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”

SUKI GUI 18:25

Dan ung ka chang gui naw, “Shin ah chang gui m’lungshe u neta, ami ning tuk law gui vai, kä nami m’hni ah a kyak ung thu a i phi kä pyen ne nami om ung bä tu ba khai nei. Nang la na kyong chang gui nami sik khai nei” cik ci gui.

1 SAMUEL 22:3

David cu a cun ungka naw Moab khaw Mizpah ah hteit ne, Moab ghangpughang ah ma ah, “Na bä ni, Khanpughi naw kei ah phäh ah a i abi law kä ka hmuh pha a chuih kanu la kapa cu law ne nang awn a täng ah om tu ni sä,” cik ci.

2 GHANGPUGHANG GUI 4:1

Prophet gui ungka tumat ah hmeinu cu Elisha ah law neta, “Saya aw, kei ka cei cu sik ci nei! Na hmat ah mäih ah ani cu Khanpughi kyih aa ciah kyak ci, cun ung phi ani naw ngui apu nak ah chang naw law ne, apu ah phäh ah ka hta goi cu hteh püi ne shäm goi khai ah pyen ci nei” cik ci.