1 SAMUEL 22:17 - Cho Bible Common Language 2016

¹⁷ Ani naw a pei ah ng’düi ci gui ah ngäng ci gui am, “Bawipa ah taigüpa gui ngawn gui vä! Ngami cu David awn ng’ge na u ne, ani adawng ah mawng cu avan hmat lang u ne kä na m’thein ci gui.” Cun ung phi Bawipa ah taigüpa ah taigüpa gui ngawn vai ah ami kut ami chan vai ah gakap gui cu mak ci gui.

1 SAMUEL 22:17 Referans Kwoze

PHYAWN NAK 1:17

Sayama gui cu Khanpughi kyih aa ci gui ah kya ne, ghangpughang ah ng’thu cu kä ngai ci gui, pami hta gui cu ghin sak ci gui.

1 SAMUEL 14:45

Cun ung phi chang gui naw Saul am, Jonathan, Israel gui ah phäh ah dämduh ciah näng nak gah ci cu, sih sak vai ma? Ka! Kei mi naw ghing ciah Bawipa ung shai kami tak ci nei, ani ah lu ung lumu ng’ma ät phih kä maih sak vai nei. Tuhngawi ani ah bi phung cu Khanpughi ah m’htei nak awn na kyak ci ne,” cik ci gui. Cun ah kya ne, chang gui naw Jonathan cu sih nak ung hun ci gui.

LAMKTU 4:19

Cun ung phi Peter la Johan naw, “Nang mi ah ng’thu ngaih vai lah Khanpughi ah ng’thu ngaih vai cu, Khanpughi lam ah ngaih ung a i, ang düng pi ah na mi mät naw m’khoi chah vä;

2 GHANGPUGHANG GUI 10:25

Jehu naw khawihnah nak gui a bi yah ung, ani naw ngäng ci gui la bawi gui cu pyen na gui ci, “Akyong ah lut law ne ami van ngawn gui vä; tumat phi kä phyawng en sä!” cik ci. Ngami cu kyong ah lut law ne sem nu gui awn ngawn gui ci gui, ami pumsa gui cu akpung ah tha ci gui. Cun kawn ah ngami cu Taigüim ah akyong ah lut u ne,

1 GHANGPUGHANG GUI 18:4

Jezebela naw Bawipa ah prophet gui a ngawn gui yah ung Obadiah naw prophet phia cu la gui neta, hma kip ciah hnih ah k’pai gui ne, khui ung thup gui ci, tui ei phi pe gui ci.)

1 GHANGPUGHANG GUI 1:5

Tuhbäi Absalom a sih kawn ah, David la Hakkith ah hta Adonijah cu htapami ang vaipi ah kyak ci. Ani cu ang htei ah kyom ci. Ani cu David naw a i ung phi kä am cäi ä man ah kyak ci, ani cu ghangpughang ah kya hlük ci. Ani ung amät ah hmawk ah yatha gui, ng’se gui la ani ngäng ciah ak chang hma kip om ci.

2 SAMUEL 15:1

Cun kawn ah Absalom naw yatha ni, ng’se gui ni amät ah phäh ah pawng püi ne, ngäng ciah chang hma-kip tha ci.

1 SAMUEL 25:17

Shin ah mawng, na bä ni, ngaih-tüh neta, a i bi vai k’bäi ä. Shin naw mi bawi la akyong chang gui cu khüikha sak hning ci nei. Ani cu ling aih ci kya ne a u phi kä ngai ci!”

1 SAMUEL 22:13

Saul naw ng’shi ne, A i ah kyasei nang la David naw nani na hnu ng’tuk püi ang? A i ah kyasei ani am, ei vai ni, khim ni pe ne, Khanpughi ung na ng’ge pek ang? Tuhbäi ani ng’hlat ne kei na hnu ng’tuk püi ne, kei ana ngawn nak vai ah akhin cu ngäng ci nei!” pyen nak ci.

1 SAMUEL 20:33

A cun ung, Saul naw Jonathan cu ngawn khai ah k’htei awn vawi ci, cun ah kyasei apa naw David ngawn vai ah ak bäi cu Jonathan naw hmat ci.

1 SAMUEL 8:11

“Shin cu nami ghangpughang naw a ning om püi gui vai ah a mawng ah kyak ci,” cine Samuel naw pyen ci.” Ani naw na hta gui ah gakap gui cu pyang khai; amshah cu ani ah ng’se tat ung bik khai, amshah cu yatha ah ma ah dawng khai gui.

1 SAMUEL 2:31

Ngai ä, na kyong khui la na pakhui ung ka, chang nong gui avan ka ngawn nak vai ah a khin gawk lawk ci nei, cun ah kyasei na kyong khui ung ka tumat phi ghi ne kä ghing khai nei.

1 SAMUEL 22:16

Ghangpughang naw, “Ahimelek, nang la na mätyah gui avan nami sik khai,” cik ci.

1 GHANGPUGHANG GUI 14:27

Ghangpughang Rehoboam naw acun gui ah hnün ung kyei shawiphaw gui pyang ba ne, mangim m’kawt ngäng ciah bawi gui am ap gui ci.