1 SAMUEL 22:14 - Cho Bible Common Language 2016

¹⁴ Ahimelek naw, “David cu nang ung bekhüt pi k’bäih ciah bawi ah kyak ci nei! Ani cu na kawi, nang ning ngäng ciah gabawi, mang im ung chang päng naw aktung ah ani chang m’sui ah kyak ci nei.

1 SAMUEL 22:14 Referans Kwoze

1 SAMUEL 20:32

Jonathan naw, “Ani a i ah kyasei a sih vai ang, Ani naw a i ang a bi” cik ci.

1 SAMUEL 26:23

Na chang tumat law ne la law ba sä. Bekhüt ci la düng ciah chang cu Bawipa naw m’cümhnah ci nei. Tuh ngawi nang cu, ani naw ka huham kyong ah ning tha ci nei, cung phi kä ka ning hnim ci, nang cu Bawipa naw ghangpughang ah a ning hmoh ah kyak ci.

1 SAMUEL 24:11

Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

1 SAMUEL 22:13

Saul naw ng’shi ne, A i ah kyasei nang la David naw nani na hnu ng’tuk püi ang? A i ah kyasei ani am, ei vai ni, khim ni pe ne, Khanpughi ung na ng’ge pek ang? Tuhbäi ani ng’hlat ne kei na hnu ng’tuk püi ne, kei ana ngawn nak vai ah akhin cu ngäng ci nei!” pyen nak ci.

1 SAMUEL 21:2

David naw, “Kei, shin ung ghangpughang ah bi awn ka lawk ci. Ani naw na m’cäi ne, kei am ana bi sak ah mawng cu a u am kä hmat sak vai ah pyen ci. Ka chang gui cu, hmun tumat ung ami na hmuh law vai ah ka m’cäi gui ci.

1 SAMUEL 18:27

David la ak chang gui hteit u ne, Philistin chang phia goi ngawn ci gui. Ani naw Philistin gui ah vun ah gui cu ghangpughang ah law püi neta, avan khei ne ap ci, cun ah kyasei ani cu a kawi ah kya lawk khai kyak ci. Cun ah kyasei Saul naw a hta hnumi Michala cu David naw a chu nak vai ah pek ci.

1 SAMUEL 18:13

Cun ah kyasei Saul naw ani cu a hei ah hteh sak ne, chang phia gha ah bawi ah kyak sak ci. David naw ak chang gui cu ng’tuk nak ah hteh püi gui

1 SAMUEL 17:25

“Teng tu vä” cine ami mät ng’htau ci gui. “Ani ah gheet taap nak cu ngai vä! Ghangpughang Saul naw ani ngawn ci am dämduh ciah m’cümhnah nak pek khai ah shaitak ci nei. Ghangpughang naw a hta hnumi phi chu na sak khai nei, ani ah pa ah kyong khui ung phlam phi kä lak khai nei” cik ci gui.

1 SAMUEL 25:28

Saza, na bä ni, na m’geinsei ä, hma nak ka bi phung cu. Bawipa naw ghangpughang ah ning hmoh khai, na hta ng’shon gui phi a cun ah kyak khai, a i ah kyasei ci ung, nang cu ani ah phäh ah ng’tuk na bik ci; nang cu na ghin ah chuih akshe kä na bik ci.