1 SAMUEL 21:7 - Cho Bible Common Language 2016

⁷ (Saul ah sei shäm ci; Doeg, Edom ah ka cu, a cu hnüüp a cu ah om tuk ci, a i ah kyasei ci ung ani naw yum nak ung abi vai om ci.)

1 SAMUEL 21:7 Referans Kwoze

1 SAMUEL 22:9

Doeg cu Saul ah bawi gui awn a täng ah ng’düi u neta, “Nob ah Ahitub ah hta Ahimelek ah a hteh yah ung David cu ka hmuk ci.

MATTHE 15:8

Khanpughi naw, ‘Shin ah chang gui naw, ami shai awn Kei cu nam hlüngtai ci gui, Cun ung phi ami m’lung cu kei awn ng’shawng aih ci.

AMOS 8:5

Nangmi nami mät ng’thu u ne, “Theingciim ciah hnüüp ang pyi vai cu, keimi naw aktung ah kami ngäng ci nei, cun ung keimi naw kami htang cu kami yoi hlawt khai. Kyiin nak hnüüp cu a i yah ung ng’pyi khai ang? Cun ung kami yoihtuk vai kami tün ba khai nei. Cun kawn ah keimi naw kami shum khai, kä hman ciah nän nak gui, kä düng ciah khin nak gui.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

2 SHONTÄP NAK 26:10

Ani naw khaw ng’pyä ung khäng ciah tänghän gui cu co ne, tui k’büm gui phi akda co ci, a i ah kyasei ci ung, akiangtäng khaw gui la khawdo ung ani ah sei vuhchah gui akda om ci. Ani cu lolai bi hlük ciah kya ne, chang gui naw khogui yung ah sapyit gui ami geit vai, anglei ani nak ung ami geit kaw vai ah pyen ah gui ci.

1 SAMUEL 14:47

Saul naw Israel ghangpughang ah a kyak law kawn ah akhaw päng ung a ga gui avan cu tu gui yawp ci: Ammon la Edom, Moab chang gui, Zobah la Philistin ghangpughang gui. Atuk nak päng ah ani cu näng ci.

1 SAMUEL 11:5

Saul cu atuhbäi hta, a seipat awn a lai ah ka law neta, ang shi gui cu, “A i ang a hma, a i ah kyasei chang päng a kyah ang?” cik ci. Ngami naw Jebesh ah ka chang ami tüih law gui ah ng’thu pyen cu m’thein ci gui.

ATÜNNAK 26:20

Kerara gawnu ah ka htawme shäm gui naw, Isaak ah htawme shäm ci gui am, “Shin cu keimi ah tui nei” cine ng’cuh püi gui u khäta, Isaak naw cun ah tuishawk cu “Esek” ah aming sui ci.

1 SAMUEL 21:8

David naw, Ahimelek am, “Nang ung k’htei, kä cung khim, kei am na na pek hning vai om ne ang? Ghangpughang ah thu k’bäi awn ang ghit ah ka ng’düi lawk ci kya neta, ka khim la li k’htei gui ka la vai akhin kä ka gah ci nei” cik ci.

1 SAMUEL 22:22

David naw ani am, “Cu hnüüp ung kei naw Doeg cu ca ka hmuk ci, ani naw Saul am m’thein ba ge khai ah ka hmat ci. Na mätyah gui ami van ami sih nak ah mawng cu kei naw ka ma nak vai ah kyak ci nei.

TAIGÜTHUM 22:10

“Taigü kyong chang bäng naw va theing ciah douthak cu ei hning ci, a hei a u naw phi kä ei vai, taigü awn a täng ah om ciah chang, kä cung a ghüh ah chang naw phi kä a ei tu vai.

TAIGÜTHUM 22:13

Cun ung phi, hmeinu, kä cunung, ami nawng ba ah hta hnumi cu a hta kä om sei, apa ah im ah law ba ne om tu ba ci naw, taigü ah kyak ciah apa ah chaw ah ei cu ei tu hning ci. Cun ah ei cu taigü kyong ung kyong chang ah kyak ci naw vah, ei tu hning ci.

TAIGÜTHUM 24:5

M’htut den khap gha lei goi cu la neta, m’htut pum gha lei goi ah ng’shai vai.

TAIGÜTHUM 24:8

Kyin Hnüüp päng ung, lawk ciah a khin avan ung, m’htut cu Bawipa ah om nak ung tha vai. Shin cu khonglän ung Israel gui ah bi vai ah kyak ci.

1 SAMUEL 22:10

David naw a i abi vai ah mawng cu Ahimelek naw Bawipa ng’shi thäh ci, cun kawn ah David am ei m’bei ne, Philistin Koliath ah khim cu pek ci,” cik ci.