1 SAMUEL 20:8 - Cho Bible Common Language 2016

⁸ Kei ah phäh ah shin na na bi pek vai, kei ung na bi ah theingthap ciah shaitak cu na pan vai. Cun ung phi ka katnak a om ung na mät naw na ngawn ä! A i ah kyasei na pa naw ana ngawn vai ah na na hteh püi vai ang?” cik ci.

1 SAMUEL 20:8 Referans Kwoze

2 SAMUEL 14:32

Absalom naw, “A i ah kyasei ci ung chang ka tüih law yah ung kä na law ah phäh ah kyak ci. Nang cu ghangpughang ah na hteh vai, kei ah ng’shi nak na m’thein vai ka ng’ya hlük ci, “A i ah kyasei kei naw Geshur hteh ta ne, shia ah ka law ang? Kei ah phäh ah cau ah ka om cu bä pi khai nei.” Absalom naw pyen ba ne, “Ghangpughang ka hmuh vai ah na na ci tu pek vai ah ka ng’ya hlük ci nei, kei ka hma nak a om ah akiak ung, ani naw kei cu na ngawn sä” cik ci.

1 SAMUEL 18:3

Jonathan naw David cu angtäi sei ng’khawt püi khai ah k’bäi ci, a i ah kyasei ci ung ani naw a yei nak aih su ah kyak ci.

1 SAMUEL 23:18

Ngani cu ani ng’lak ung theing ciah shaitak bi ne ng’khawt ci goi. David cu Horesh ung om sei, Jonathan cu a im ah hteit ba ci.

1 SAMUEL 20:16

Tumat la tumat shai mi tak cu kä hnget khai nei. Cun cu a hnget ah a kyak ung, Bawipa naw ning m’kyuk gui khai” cik ci.

LAMKTU 25:11

Ak cangah thukhän khep ne, sih nak vai khin ciah katnak ka bi ah a kyak ung, nami nam gein vai ah kä ka ng’yoi khai nei. Cun ung phi ngami ah nak sung nak cu kä akcang ah a kyak läi ung a u naw phi kei cu ngah mi ah kut ung kä na ap hlawt khai nei. Kei cu ghangpughang ah ka ng’coipaa ci nei” cine pyein ci.

NG'THU K'THUUK~ 3:3

Hläkkhäm nak la bekhüt nak cu kä na ng’dawn sak vai. Na k’hnü ung na awi vai, na m’lung ung na guk vai.

SAM 116:11

Kei cu kyih aih neta, “A u ngaih u vai kä om ci nei” ka ci ung phi.”

1 SHONTÄP NAK 12:17

David naw hteit ne hmu gui neta a pyen cu, “Nangmi cu teihpüi ah kya ne kei na bawm khai ah nami lawk ciah a kyak ung, nangmi cu ning dou gui nei. Kei mi ung ng’dawn law vä! Cun ung phi ka ga am kei nami na ap khai ah nami lawk ciah a kyak läi ung, Kei naw nangmi nak khai ah kä ka ning bi gui ung phi, kami pupa gui ah Khanpughi naw ning hmat gui ne, ning m’kyut gui khai nei.”

RUT 1:8

Ani naw ngani am, “Nani im ah hteit ba ne, nani nu awn a täng ah om ni ä. Khan ah phi kia, si pyi ci goi ah khan ah phi kia, nangni akni ah nani om ah mäih ah nani khan ah Bawipa naw ning m’htei goi sä.

JOSHUA 22:22

“Hlüngtai säih ci tumat cu Khanpughi nei! Ani cu Bawipa nei! Hlüngtai säih ci tumat cu Khanpughi nei! Ani cu Bawipa nei! A i ah kyasei shin ah kami bi cu ani naw hmat ci nei. Nangmi naw phi nami hmat vai ah kami ng’ya hlük ci nei. Keimi naw hungtuk u ne, Bawipa ung bekhüt nak kä kami paang ciah a kyak ung, keimi kä na ghin ba sak gui vä!

JOSHUA 2:14

Cun ah chang naw hnumi am, “Kami pyen ah mäih ah kä kami bi ah a kyak ung Khanpughi naw kami ghin nak cu la sä! Keini naw kani bi gui cu a u am kä na m’thein ah a kyak ung keini naw shaitak ka ni ning pek ci, Bawipa naw shin ah khaw ana pek law gui ah a kyak ung, keimi naw akni ah kami ning m’htei khai.

ATÜNNAK 47:29

Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.

ATÜNNAK 24:49

Tuhbäi ka bawi täng ah na bilawh vai gui cu kümbe khai ah nami bi vai ah nami ngaih ung, ani ah khan ah akni na bi tu vä, cun ah kä ah kyak ung phi, nami bä ni, na m’thein vä, kei naw a i ka bi vai cu ka k’bäi khai nei” cik ci.

1 SAMUEL 20:9

“Cun ah mäih cu kä na ngaih-tüh vai! Kapa naw ning hnim khai ah a pawng ka hmat ung kei naw kä ning m’thein ah ka om khai ma?” cine Jonathan naw pyen ci.

1 SAMUEL 18:1

Saul la David cu ng’htau yawp ci goi. Cun kawn ah Saul ah hta Jonathan naw David cu yei na aih neta, amät naw amät am hni ah mäih ah David cu m’hni ci.