1 SAMUEL 20:5 - Cho Bible Common Language 2016

⁵ David naw, “Ngawi ung cu cha thai pawi ah kyak ci, kei cu ghangpughang awn a täng ah ka ni ei khai kyak ci. Cun gui cu nang ung hman ciah a kyak ung, kei cu hteit ne, cituh hnüüp mühun güt bung ah ka ng’thup khai.

1 SAMUEL 20:5 Referans Kwoze

KHEI NAK 10:10

A cun ah mäih ah yeikyai nak ah akhin gui ung nami cha thai pawi gui la a hei yum nak pawi gui ung M’khih ne douthak nak la hmuhchum douthak nak pak law ung phyungheng gui cu nami tum vai. Cun ung kei naw ka ning m’htei gui khai. Kei cu Bawipa nami Khanpughi nei.”

1 SAMUEL 19:2

ci, cun ah kyasei ani am, “Kapa naw ning ngawn khai ah tha nak ci nei. Ngawi ung khaw ngawi na geing nak vai nei; ang shut nak ah ng’thup neta, a cu ah na om cang vai nei.

KHEI NAK 28:11

A cha tä ah ang tün nak päng ung m’khih ne douthak nak cu Bawipa am pek vai: vantang hta hnih, htome douthak nak ah m’htut den oliv-situi awn k’caw ne douthak vai: vantang tumtumat, kum ät lüng ciah htome m’ca chih, ami van cu kä leimbai en khai.

SAM 81:3

Cha theei yah la cha lum yah ung, lungnu ah hmawk ah k’phyung lawi tum vä.

KOLOSE 2:16

Cun ah kyasei, ei awk nak ah mawng, hnüüp theing ah mawng, chaa lum la kyin nak ah mawng gui pyein ne, a u am phi thukhän kä bi-en sak vä.

LAMKTU 17:14

A cun vai am yum ciah chang gui naw Paul cu tuinu kam lam ah hteh sak ci gui. Silas la Timothi läi cu Berea ah om shüt ci goi.

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.

NG'THU K'THUUK~ 22:3

Langkha ciah chang naw khüikha nak a gawk law cu hmu ne hlawi ci. Cun ung phi a i kä ngaih-tüh thei ciah chang cu acun ah ng’lung ah hteit ne lut ci, akawn ah ng’yu ba ci.

SAM 55:12

Kei na gaih m’giu cicu ka gaa ah a kyak vai sü ung, ka hnim gei khai sü te, kei na k’shekha nak cicu na gen ciah a kyak vai sü ung ka ng’shawn pek khai sü te.

1 SAMUEL 20:19

Cituh ung mä ta nang kä na om cu hmat lawk khai; cun ah kyasei zan ung na ng’thuh nak ah na hteh ba vai, lung gui ng’bum ciah hnu ah na ng’thuh vai.

1 SAMUEL 20:6

Kei tawnglang ung kä ka ngoh tu cu na pa naw a hmat ah a kyak ung, na m’thein vai, nang ah ma ah pyen neta Bethlehem im ah ang ghit ah hteit ba ci, acu ah ka kyong khui avan naw kum ng’län khawihnah nak ah khin ah kyak ci.

2 GHANGPUGHANG GUI 4:23

A cei naw, “A i ah kyasei tuhngawi na hteh vai ang? Tuhngawi cu kyin hnüüp käcung cha thei pawi hnüüp ah kä kyak ci nei” cik ci. Hnumi naw, “Bäi khai nei” cik ci.

1 SAMUEL 20:4

Jonathan naw, “Na ng’yak hlü päng ka bik khai nei” cik ci.

1 SAMUEL 20:18

Cun kawn ah Jonathan naw ani am, “Ngawi ung cu cha thai pawi ah kyak ci, nang cu ei ei nak ung kä na om tu ah a kyak ung, nang kä na om cu hmat lawk khai.

1 SAMUEL 20:24

Cun ah kyasei David cu k’pyama ah ng’thup ci. Cha Thai pawi ung, ghangpughang Saul cu ei ei nak ah lawk ci,

1 SAMUEL 20:27

A cu hnüüp, a cituh cha thai pawi vai ung, David ah ngoh nak cu ghawng lä ci, cun ung Saul naw Jonathan am, “A i ah kyasei David, yanta la tuh ngawi ei ei nak ung kä a law ang?” cik ci.

AMOS 8:5

Nangmi nami mät ng’thu u ne, “Theingciim ciah hnüüp ang pyi vai cu, keimi naw aktung ah kami ngäng ci nei, cun ung keimi naw kami htang cu kami yoi hlawt khai. Kyiin nak hnüüp cu a i yah ung ng’pyi khai ang? Cun ung kami yoihtuk vai kami tün ba khai nei. Cun kawn ah keimi naw kami shum khai, kä hman ciah nän nak gui, kä düng ciah khin nak gui.