1 SAMUEL 20:42 - Cho Bible Common Language 2016

⁴² Cun kawn ah Jonathan naw David am, “Khanpughi naw ning om püi sä. Nik ni naw ni bi ah theing ciah shaitak cu, nang la kei la, nang ah hta ng’shon la kei naw ng’hteicha sak khai nei,” cik ci. Cun kawn ah David hteit sei, Jonathan cu pigaw ah hteit ba ci.

1 SAMUEL 20:42 Referans Kwoze

1 SAMUEL 1:17

Eli naw, “Dimdeeih nak awn hteit ä, nang naw na k’thäh cu Israel Khanpughi naw ning pe sä,” cine m’shang ci.

1 SAMUEL 23:18

Ngani cu ani ng’lak ung theing ciah shaitak bi ne ng’khawt ci goi. David cu Horesh ung om sei, Jonathan cu a im ah hteit ba ci.

LAMKTU 16:36

Cun ah kyasei thawng bawi naw, Paul am, “Bawi naw, nang la Silas cu ning chah ba gui vai ah k’bäi ci nei, cun ah kyasei dimdeeih nak awn hteit ba nä” cine m’thein ci.

LUKA 7:50

Cun ung phi Bawipa Jesuh naw, cun ah hnumi-am, “Na yum nak naw ning phiawn sak pyi ci nei, yeikyai ne hteit ba ä” cine pyen nak ci.

1 SAMUEL 20:15

acun ah mäih ah hläkhäm nak cu angtäi sei ka kyong khui ung na m’dang vai nei. Bawipa naw mi ga gui avan cu am di yawp ah a kyak ung,

KHEI NAK 6:26

Bawipa naw hmai kyang ne ning teng gui ne, dimdeeih nak ning pe gui sä.

1 SAMUEL 20:16

Tumat la tumat shai mi tak cu kä hnget khai nei. Cun cu a hnget ah a kyak ung, Bawipa naw ning m’kyuk gui khai” cik ci.

1 SAMUEL 25:35

Cun kawn ah David naw a law püi gui cu dou neta, ani am “Na im ah hteit ba ä, kä ng’ä ä. Na ng’yak hlü ah kei naw ka bik khai nei” cik ci.

2 SAMUEL 9:1

Hnüüp ät ung David naw, “Saul ah kyongchang tumat mat om ba ne ang? A om ba ah akiak ung Jonathan ah phäh ah kei naw m’gein nak ka m’dang hlük ci nei” cik ci.