1 SAMUEL 20:34 - Cho Bible Common Language 2016

³⁴ Jonathan cu Tawnglang ung ka nget ne ng’düi law ba ci, a i phi kä ei tuk ci, cun cu cha Thai pawi a hnüüp goi nak ah kyak ci. Ani cu David ah phäh ah ang htei ah cümbawng ci, a i ah kyasei ci ung Saul naw a yawshe nak ah phäh ah kyak ci.

1 SAMUEL 20:34 Referans Kwoze

EPHESIAN 4:26

Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

MAKUH 3:5

Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.

THUSHÄUTU 7:20

Angtäi sei a hman bi ne, a hma kä bi phung ciah chang khomdek khan ung a u kä om ci.

1 SAMUEL 20:33

A cun ung, Saul naw Jonathan cu ngawn khai ah k’htei awn vawi ci, cun ah kyasei apa naw David ngawn vai ah ak bäi cu Jonathan naw hmat ci.

1 SAMUEL 20:35

A cu hnüüp khaw ngawi Jonathan naw ani pyen te ah mäih ah David hmuk khai ah k’pya ah hteit ci. Ani naw ak hmaw khah püi ci,