1 SAMUEL 20:32 - Cho Bible Common Language 2016

³² Jonathan naw, “Ani a i ah kyasei a sih vai ang, Ani naw a i ang a bi” cik ci.

1 SAMUEL 20:32 Referans Kwoze

MATTHE 27:23

Pilat naw, “Ani naw a i katnak ang a bi?” cine ng’shi guici. Cun ung phi chang gui naw, “Kutlamtung ung tai ne ngawn vai nei,” cine ami k’aw m’can ne m’lau ci gui.

1 SAMUEL 19:5

Ani naw a hnun gui pe ne Koliath cu ngawn ci, Bawipa naw Israel gui ah phäh ah dämduh ciah näng nak bik ci. Acun na hmuh ung, na yei khai nei. Tuhbäi a i ah kyasei chang ni ah khan ah a hma na bi hlü ang, a mawng kä om ciah David na ngawn hlü ang?”

LUKA 23:22

Pilat naw, “Ani naw a i katnak ang a bi? Ani ngawn nak vai ah katnak tumat phi kä ka hmuk ci. Cun ah kyasei ani cu htung awn that ne m’cäi netah ka tüi ba khai” cine ak thum vei nak ah pyein ci.

ATÜNNAK 31:36

Jakob naw m’lungshe neta Laban akshe nak cu, “Kei naw a i katnak bi ngä sei ang, a i thukhän ka m’shet ah phäh ah ang, shin hlawk ah nget ne, na na k’täm law ve?

JOHAN 7:51

Nikodemus naw, “Mikmi ah thukhän awn pyein ah a kyak ung; a u chang phi akat nak dang khai ah käng shi-en ah, a pyein nak tuba hning vai kä peit-en ah, mi m’kat hning khai ma? cine pyein ci.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

THUSHÄUTU 9:3

Buitang nak tumat cu van ah khan ung atäng ah gawk lawk ci, a shin cun phi khomdek khan ung kya lawk ci gui ah mäih ah cheishoh ciah kyak ci. Chang gui cu ami ghin ah chuih ami m’lung cu akshekha la gu nak awn be sei, ngami cu ang ghit ah sik ci gui.

THUSHÄUTU 7:9

Nami m’lung nami k’üüp vai; ng’u hneit nak cu guktaak nak ah kyak ci.

NG'THU K'THUUK~ 22:24

Am lung so ci, sohai m’lungshe ci awn kä nami khawt sheng vai.

1 SAMUEL 20:7

Ani naw, “Bä khai, a ci ung ka phyawng khai; cun ung phi ani am lung she ah a kyak ung, na cik khai ah k’bäi ciah na hmat khai.

1 SAMUEL 18:11

“Pang ung m’khän ne ka hei vawi khai” ci nei Saul cu amät ng’htau neta, k’htei awn hnih vei vawi ci: cun ung phi David naw ana ng’shawn ghäm ghäm ci.

1 SAMUEL 19:4

Jonathan naw Saul ah ma ah David cu m’tam ne a pyen cu, “Bawi aw, Na changshäm David ah khan ah chei khai ah kä na bi vai nei. Ani naw nang ung a i phi a hma kä bik ci; ang lakmah nak cu, ani naw abi phung cu nang ah phäh ah ak dämduh ah m’htei htang nak ah kyak ci.

1 SAMUEL 22:14

Ahimelek naw, “David cu nang ung bekhüt pi k’bäih ciah bawi ah kyak ci nei! Ani cu na kawi, nang ning ngäng ciah gabawi, mang im ung chang päng naw aktung ah ani chang m’sui ah kyak ci nei.

1 SAMUEL 20:1

Cun kawn ah David cu Naioth, Ramah ungka naw Jonathan ah hteit neta, “A i ang kei naw ka bi? A i hma katnak ang kei naw ka bi? Kei a na ngawn hlü nak vai ah, a i hma nak ang na pa ah khan ah kei naw ka bi?” cine ng’shik ci.