1 SAMUEL 20:30 - Cho Bible Common Language 2016

³⁰ Saul cu Jonathan ah khan ah m’lungshe neta, “Nang ah nu cu hnu ng’tuk ne, kä be khüt ci nei! Tuhbäi ka hmat pyi ci, nang cu David täng ah na kyak ci, na nu ah ning hta ah kya ne, na mät kä na yei ci!

1 SAMUEL 20:30 Referans Kwoze

NG'THU K'THUUK~ 21:24

Chang k’om cicu na na m’nuh vai, yoshe nak ci, chang ah ng’shei ci, kho kä tä cicu ka ning m’hnuh khai.

EPHESIAN 6:4

Nupa gui, nami hta hmaw gui cu ami m’lung thüi khai ah kä nami bi en vai. Cun ung phi Khanpughi ah ng’yak hlü ah khritha hläkhäm nak awn nami m’shümthein vai.

EPHESIAN 4:31

Thüisei nak, ngetngawng nak, m’lungshe nak gui cu nawng ge vä. Käng li ng’lai kä ng’plah ng’taang ba vä, käm thüikhang kä ng’gen hteet ba vä.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

NG'THU K'THUUK~ 27:3

Lung la laigin ah gih cu, chang gu ang naw a bi hning ah khüikha nak awn m’täng vai ah kä kyak ci. P

NG'THU K'THUUK~ 25:28

Na m’lungshe nak kä nak üüp hlawt ah a kyak ung vongpaang kä om ciah mang gaw tuk ghet vai ah auh ciah mäih ah am gein kaa ah na kyak khai.

NG'THU K'THUUK~ 19:19

Chang tumat cu amlung a sou ah a kyak ung, acun ah a phu cu ma na sak va. Cumbawng nak ungka ani cu hnu at na khui tu ah a kyak ung, leng ba ne na m’htei tu vai nei.

NG'THU K'THUUK~ 19:12

Ghangpughang ah m’lungshe nak cu phongkawng ah m’ngaw ah maih ah kyak ci. Cun ung phi ani ah m’tamkhah nak cu khogoh tui ah maih ah kyak ci.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

NG'THU K'THUUK~ 14:29

Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

JOB 5:2

Khüikha ne na mät na sih en vai ah na mät naw na mät ng’ä na ä, Cun cu gu ang ne akholä bi ah kyak ci nei.

1 SAMUEL 20:29

Ani naw, “Na bä ni, na hteh ba sak ä, a i ah kyasei ci ung kami kyong khui naw khawihnah nak ei pawi gaw nu ah bik ci gui, ka phäi naw a cu ah ka om tu vai ah na k’bäi ci. Cun ah kyasei, nang cu ka teihpüi ah na kyak ung, na hteh sak ne, ka mätyah gui cu na hmuh sak ä’ cik ci. Cun ah kyasei nang ah tawnglang a ngoh nak ung kä ah om ah kyak ci.”

1 SAMUEL 20:31

Nang naw kä na hmat ci ma, David a ghin ah chuih nang cu shin ah khaw ah ghangpughang ah kä na kya hlawt khai? Tuhbäi hteit ne, shin ung law püi ä ani cu sik khai!”