1 SAMUEL 20:3 - Cho Bible Common Language 2016

³ Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

1 SAMUEL 20:3 Referans Kwoze

2 GHANGPUGHANG GUI 2:6

Cun kawn ah Elijah naw Elisha pyen nak ci, “Tuhbäi shin ung om shüt ä; Jordan tuinu ah ka hteh vai ah Bawipa naw ng’thu nak bäi ci nei.” Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu hteit u sei,

1 SAMUEL 27:1

David cu amät ng’htau ne, “Khaw hnüüp ät ung Saul naw na ngawn khai. Kei ah phäh ah aknipi cu Philistin ah phyawn vai ah hteh vai ah kyak ci. Cun ung Saul naw Israel khaw ung ana shui m’lung si khai, cun ung kei ka phyawng khai.”

1 SAMUEL 25:26

Na ga gui ah khan ah phu tu ne, na ngawn nak gui vai ung ka, Bawipa naw ning k’pang ci nei. Ghing ciah Bawipa ung aktung ah ka pyen cu na ga gui la nang ning hnim hlük ci gui avan cu Nabala ah mäih ah m’kyuk nak gah khai gui nei.

THULÄÄN NAK 6:13

Bawipa nami Khanpughi cu nami taamkhah vai, ani bäng nami khawihnah vai, ani ah ming bäng ung shaitak nami bi vai.

2 GHANGPUGHANG GUI 2:4

Elijah naw Elisha aw, “Tuhbäi shin ung om shüt ä; Jerikho ah ka hteh vai ah Bawipa naw thu nak bäi ci nei” pyen nak ci. Cun ung phi Elisha naw, “Ka bekhüt nak la ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Jerikho ah hteit ci gui.

2 GHANGPUGHANG GUI 2:2

Lam ung ani hteh sang ung Elijah naw Elisha a pyen nak cu, “Shin ung tuhbäi ana om mä; Bawipa naw Bethela ah ka hteh vai ah ng’thu nak bäi ci nei.” Cun ung phi Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Bethela ah hteit ci gui.

1 SAMUEL 1:26

Hannah naw ani am, “Saya, na ngaih pe ä. Kei cu na na shüm ba ne ang? Kei cu shin ung düi ne Bawipa ah taigü ngä sei, na na hmuh ah hnumi nei.

HEBRU 6:16

Chang tumat cu ang phyun ah a kyak ung, a mät ah hlüngtai pi ciah ming awn ng’phyun ci. Cun ah ng’phyun nak naw ng’cuhvah nak avan cu dim sak ci.

JEREMIAH 38:16

Cun ah kyasei ghang pug hang Zedekiah naw adüm ah shai tak ha pek ci, “Kei cu ghing ciah khanpughi ah kyak ci, kei naw sih nak kä ka ning pek khai, käcung nang ning ngawn hlük ciah chang gui am kä ka ning ap khai.”

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

SAM 116:3

Sihnak ga naw kei cu na koi ne; Tüükyaai ciah ng’phuh hmun naw na khai shi sei; kei cu kyih nak la cäi nak awn ka be ci.

2 SAMUEL 15:21

Ittai naw, “Ka bawi mang, kei naw Bawipa ah ming ung ng’gun ne ka pyen cu, kei cu na hteh nak päng ah angtäi sei ka hteit tuk khai, sih vai a kyak pui ung phi” cik ci.

1 SAMUEL 17:55

David naw Koliath tuk khai ah a hteh cu Saul naw hmu neta, gabawi, Abner cu ng’shik ci, “Abner, Ani a u ah hta ang?” Abner naw, “Bawi Mang, kä ka hmat ci nei” cik ci.

THULÄÄN NAK 28:66

Nami ghin nak cu angtäi sei kyihkyawk nak ung om khai. Amü a hnüüp cäi ng’ä nak awn nami be khai. Angtäi sei kyih vai ah sih nak ung nami om khai.

1 SAMUEL 20:2

Jonathan naw, “Khanpughi naw nang na sih vai cu ma nak ci! Kapa naw abi päng vai küikyang ci phi na m’thein ci, shin ah mawng ani naw kä na m’zih khai, cun cu kä hman ci nei!”

1 SAMUEL 20:4

Jonathan naw, “Na ng’yak hlü päng ka bik khai nei” cik ci.