1 SAMUEL 20:13 - Cho Bible Common Language 2016

¹³ Ani naw nang ning hnim vai ah abi cu nang naw na phyawn nak vai ah kä ka ning m’thein ah a kyak ung, Bawipa naw kei cu na sih sak sä. Bawipa naw ka pa a om püi man ah mäih ah nang cu ning om püi sä.

1 SAMUEL 20:13 Referans Kwoze

1 SHONTÄP NAK 22:16

ghui, ngui, kyei la m’sii gui awn bi thei ci gui Tuhbäi tün ne co vä, Bawipa naw ning om püi sä.”

1 SHONTÄP NAK 22:11

David naw k’täi ne, “Tuhbäi, Ka hta aw, Bawipa na Khanpughi naw ning om püi sä, ani ah phäh ah Taigüim na cawh vai cu na m’khüt näng vai ah a shaitak cu kümbe sä.

1 SAMUEL 17:37

Bawipa naw kawng la khawm ah kut ung ka na hun ci; ani naw shin ah Philistin ung ka na hun khai.” Saul naw, “Bä khai, hteit ä, Bawipa naw ning om püi khai” cik ci.

RUT 1:17

Na sih nak ah ka si tuk khai aw ah ka ng’cim khai. Sih nak ah kawn ah a hei a mawng awn nang ka ning pai püi ah a kyak ung, kei cu Bawipa naw akshe pi k’bäih ah na m’kyuk sä” cik ci.

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

1 SAMUEL 3:17

Eli naw, “Bawipa naw a i ang a ning m’thein. A i phi kei am kä na na m’zih vai. Ani naw a pyen päng kä na na m’thein ah a kyak ung Khanpughi naw aktä ah ning m’kyuk khai,” cik ci.

PHILIPPIAN 4:9

Kei ah ka ng’thu ung nami theithang la kei ah ka bilawh nami hmuhteng ah mäih ah nami bilawh vai nei. Cun ung dimdeeih nak na pe gui ciah Khanpughi cu nangmi awn a täng ah om khai nei.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

1 GHANGPUGHANG GUI 20:10

Benhadad ah ka law ba ci: “Shin ah mang gaw m’di ne akhui akpi gui ami kut awn kawt ne hteh püi hning khai ah chang gui ka law püi khai nei. Cun ah kä ka bi ung khanpughi gui naw na m’sih u sä!” cine pyen ci nei, cik ci.

1 GHANGPUGHANG GUI 19:2

Ani naw Elijah am ng’thu m’khäh ci: “Prophet gui ah khan ah na bi ah mäih ah ngawi ung a shin ah khin ung kei naw nang ah khan ah kä ka bi ah a kyak ung khanpughi gui naw ka sik khai ah na ci u sä.”

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

2 SAMUEL 7:15

Cun ung phi kei naw ani ka m’düih nak cu, Saul m’hnawn ne ka bi ah mäih ah kä ka la ba khai, cun ah kyasei nang cu ghangpughang ah na kyak ci.

2 SAMUEL 3:35

A hnüüp pum ung David naw ei a ei vai ah chang gui naw tha nak ci gui, cun ung phi ani naw thuuk ciah shaita ne, “Shin ah hnüüp kä ang pyi pha ung ei ka ei läi ngä sei, Khanpughi naw ka sik khai ah na ci sä!” cik ci.

1 SAMUEL 25:22

Khaw kä thai pha sei shin ah chang gui tumat phi kä om ba khai ah kä ka ngawn yawp ung, Khanpughi naw ka sik khai ah na that sä!” cik ci.

1 SAMUEL 18:12

Saul naw David cu kyih ci, a i ah kyasei ci ung Bawipa naw David om püi ci, ani cu nawng ci.

1 SAMUEL 14:47

Saul naw Israel ghangpughang ah a kyak law kawn ah akhaw päng ung a ga gui avan cu tu gui yawp ci: Ammon la Edom, Moab chang gui, Zobah la Philistin ghangpughang gui. Atuk nak päng ah ani cu näng ci.

1 SAMUEL 10:7

Shin gui a kyak law ung Khanpughi naw na bi vai a ning m’shüm phung cu na bi vai.

1 SAMUEL 19:3

Kei hteit ne, nang ah na ng’thuh nak ah lo ah kapa ah pei ah ka ng’düi khai, nang ah mawng ka pyen khai. A i baw a mawng ka hmuh ah a kyak ung, ka ning m’thein law ba khai.

1 SAMUEL 20:12

Jonathan naw David am, “Bawipa Israel gui ah Khanpughi cu nikni ah saksi ah kya sä! Ashin ah khin ung, ngawi ung la lawk ciah khaw hnüüp gui ung kapa cu ka ng’shik khai nei. Nang ung a om nik ciah a kyak ung thu ka ning m’khäh lawk khai nei.

1 SAMUEL 20:14

Kei ka ghin nei ah a kyak ung, theing ciah na shaitak cu nak bä vai, kei ung na hläkhäm vai; cun ung phi kei ka sih ah a kyak ung,

1 GHANGPUGHANG GUI 1:37

Bawipa naw nang bawi a ning om püi ah mäih ah Solomon cu om püi khai nei, ani ah uknak cu nang ah ta bämang pi khai ah ani naw bi pek khai nei.”