1 SAMUEL 20:12 - Cho Bible Common Language 2016

¹² Jonathan naw David am, “Bawipa Israel gui ah Khanpughi cu nikni ah saksi ah kya sä! Ashin ah khin ung, ngawi ung la lawk ciah khaw hnüüp gui ung kapa cu ka ng’shik khai nei. Nang ung a om nik ciah a kyak ung thu ka ning m’khäh lawk khai nei.

1 SAMUEL 20:12 Referans Kwoze

NG'THU K'THUUK~ 20:5

Chang tumat ah ngaih tuh cu thuuk ciah tuishawk ung tui ah maih ah kyak ci. Cun ung phi akyong ah om ci naw than hning khai nei.

SAM 17:3

Nang naw ka m’lung na hmat ci. Khomü ung kei ah na lawk ci; Nang naw kei cu akbe ah na na cet ci, cun ung phi kei ung ng’zak hlü akshe a i kä na hmuk ci.

JOB 31:4

Khanpughi naw kei naw ka bi phung cu hmat ci, Kei ah ka kho m’khan phung cu na hmuk ci.

JOSHUA 22:22

“Hlüngtai säih ci tumat cu Khanpughi nei! Ani cu Bawipa nei! Hlüngtai säih ci tumat cu Khanpughi nei! Ani cu Bawipa nei! A i ah kyasei shin ah kami bi cu ani naw hmat ci nei. Nangmi naw phi nami hmat vai ah kami ng’ya hlük ci nei. Keimi naw hungtuk u ne, Bawipa ung bekhüt nak kä kami paang ciah a kyak ung, keimi kä na ghin ba sak gui vä!

1 SAMUEL 20:11

Jonathan naw, “Loma ah ni hteit khai” ci sei htei ci goi,

1 SAMUEL 20:13

Ani naw nang ning hnim vai ah abi cu nang naw na phyawn nak vai ah kä ka ning m’thein ah a kyak ung, Bawipa naw kei cu na sih sak sä. Bawipa naw ka pa a om püi man ah mäih ah nang cu ning om püi sä.

1 SAMUEL 23:18

Ngani cu ani ng’lak ung theing ciah shaitak bi ne ng’khawt ci goi. David cu Horesh ung om sei, Jonathan cu a im ah hteit ba ci.

2 SAMUEL 21:7

Cun ung phi ani la Jonathan naw theing ciah shaitak ani bi om ci kyasei, Saul a tu Jonathan ah hta, Mephibosheth cu David naw k’pawih nak ci.