1 SAMUEL 20:1 - Cho Bible Common Language 2016

¹ Cun kawn ah David cu Naioth, Ramah ungka naw Jonathan ah hteit neta, “A i ang kei naw ka bi? A i hma katnak ang kei naw ka bi? Kei a na ngawn hlü nak vai ah, a i hma nak ang na pa ah khan ah kei naw ka bi?” cine ng’shik ci.

1 SAMUEL 20:1 Referans Kwoze

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

1 JOHAN 3:21

Cun ah kyasei teihpüi gui aw, mi m’lung ngaih naw kä a nam shetkat gui ah a kyak ung, Khanpughi ah ma ah thamah ne mi om ci nei.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

1 SAMUEL 24:17

Cun kawn ah ani naw David am, “Nang na hman ci, kei ka hma ci. Nang cu kei ah khan ah na ni aih ci, cun ung phi kei naw shin ah mäih ah a hma nang ung ka bik ci!

1 SAMUEL 24:11

Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

1 SAMUEL 24:9

ani naw, “Kei naw ka ning bi vai ah ka tha nak ciah chang gui ah pyen cu a i ah kyasei na ngaih ang?

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

1 SAMUEL 20:2

Jonathan naw, “Khanpughi naw nang na sih vai cu ma nak ci! Kapa naw abi päng vai küikyang ci phi na m’thein ci, shin ah mawng ani naw kä na m’zih khai, cun cu kä hman ci nei!”

SAM 54:3

Chang ah ng’shei ci gui naw na tu law u ne, nget ngawng ci gui naw na ngawn hlük ci gui nei. Ngami cu Khanpughi a i ah kä ngai ci gui nei.

1 SAMUEL 19:1

Saul naw a hta Jonathan la a bawi gui ami van am David ngawn vai ah apawng ah mawng cu m’thein gui ci. Cun ung phi Jonathan naw David cu m’hni aih

1 SAMUEL 19:18

David cu phyawng ne Samuel ah om nak Ramah ah hteit ne Saul naw a kyak nak gui avan cu m’thein tuk ci. Cun kawn ah Samuel la ani cu Naioth ah hteit ne, a cu ah om ci goi.

1 SAMUEL 20:32

Jonathan naw, “Ani a i ah kyasei a sih vai ang, Ani naw a i ang a bi” cik ci.

1 SAMUEL 24:12

Mi hma nak cu Bawipa naw m’khoi m’cha sä! Kei naw api ah phi kä na ning nat sak ci kyasei, nang naw kei ah khan ah hnu ng’tuk ne na hnün thawh nak cu Bawipa naw ning m’kyuk sä.

1 SAMUEL 26:18

Ani naw k’täi ne, “A i ah kyasei, saza, na na changshäm cu, tuh güt na, na k’täm ang? A i ang kei naw ka bi? A i katnak ang kei naw ka bi?