1 SAMUEL 2:9 - Cho Bible Common Language 2016

⁹ Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

1 SAMUEL 2:9 Referans Kwoze

SAM 121:3

Ani naw kä ning kyuk tän sak phung khai, Nang ning ngäng cicu angtäi sei ci m’gang ci.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

SAM 97:10

Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.

SAM 94:18

Kei naw, “Ka zu ng’kya vük ci nei” ka cik ci, cun ung phi Bawipa, bä ciah na m’hni nak naw kei cu na m’htei ci nei.

SAM 37:28

Bawipa naw düng cicu m’hni ne, bekhüt ciah ak chang cu kä nawng ci, Ani naw angtäi sei ngäng gui ci, Cun ung phi changshe ah hta ng’shon gui cu, gawt ne k’täm gui khai.

JOB 5:24

Nang cu na k’pyu ung dimdeih sei na om khai; Nang naw na htome gui na teng ung phyawng gai u sei na hmu gui khai.

THULÄÄN NAK 33:3

Bawipa naw a chang gui m’hni gui ci, Amät ah prophet gui cu m’hni gui ci. Cun ah kyasei a khaw ka ah mi kawp ne, Ang thumkhän gui mi läk khai.

NG'THU K'THUUK~ 16:9

Nangmi naw bi vai ah nami pawng pui ci, Cun ung phi nami hnun thawh nak ung Khanpughi naw ning m’shumthein gui ci.

SAM 121:8

Bawipa naw na hteh hton, na luh lang nak avan ung tuh ngawi ung tün ne ngawi yä ning m’htei khai.

2 PETER 2:17

Cun ah chang gui cu tui ket ciah hmawilawng ah mäih, khokhi naw k’phyit ne a yon ah khong mei ah mäih ah kyak ci gui. Khanpughi naw ngami ah hmawk ah ak hmüp nak pi bäih ah hmun cu taak pe gui ci.

MATTHE 8:12

Cun ung phi uknak kho ung khai shi ah chang gui läi cu thüi kyah nak, ha htui ne geinvai nak ah ak pung lam kho hmüp khui ah k’täm gui khai,” cine pyein ci.

ZEPHANIAH 1:15

Cun ah hnüüp cu m’lung ah shet nak, yaica nak, cümbawng nak, di nak, maih nak, amü nak, ang yiin nak, meile ah küp nak,

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

NG'THU K'THUUK~ 3:26

Bawipa naw k’pang ne ning k’phyawn gui khai, Ani naw cuun ung nami awh vai ah kä ning ci gui khai.

THUSHÄUTU 5:17

Mikmi cu hmüp khui ung om ne, thüisei ne, ng’ä ai ne, m’lungshe ne, gawpyam ne mi kyak ci nei.

NG'THU K'THUUK~ 2:8

Ani naw akni ah om püi ciah chang cu ngäng ne ani ung bekhüt ciah chang ah hteh nak cu üp oi sak ci.

SAM 121:5

Bawipa naw ning ngäng ci; Ani naw na pei ah om ne ning m’htei ci.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

JOB 5:16

Ani naw dukhaih ci gui am ngaih u nak pe gui ne, ak shekhaa gui ah düm sak gui ci.

KHEI NAK 6:24

Bawipa naw hrilham ning pe gui sä, ning m’hteihtang gui sä.

SAM 31:17

Bawipa, ka ning khü ci nei; kä na lüng’a sak-en ä. Chang omshe gui cu lüng’a sak gui ä; Ngami cu sihnak ah khaw ah düm ah hteh sak gui ä.

ISAIAH 27:3

“Kei naw a shin cu ngäng ne, ak phlüt ah tui awn ka shawi ci. Kei naw amü ak hnüüp ka ngäng ci, cun ah kyasei a i naw, a i ah kä ci hlawt ci.

1 SAMUEL 25:26

Na ga gui ah khan ah phu tu ne, na ngawn nak gui vai ung ka, Bawipa naw ning k’pang ci nei. Ghing ciah Bawipa ung aktung ah ka pyen cu na ga gui la nang ning hnim hlük ci gui avan cu Nabala ah mäih ah m’kyuk nak gah khai gui nei.

JOB 18:18

Ani cu ghin nak ah kho ungka naw k’täm khai gui. Akdei nak ungka naw a hmüp nak ah k’täm khai guii.

JOB 40:13

Ami van m’dek ung k’phuh gui ne Sih nak ah kho ung m’dawn gui ä.

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

SAM 105:37

Cun kawn ah Israel chang gui cu thawh law püi gui ci; Ngami naw ngui la ghui phui ci gui, ami van cu gai ne khüighat ci gui.

SAM 145:20

Ani m’hni ciah chang phung cu ani naw shungvong ci, cun ung phi changshe gui cu m’di gui khai nei.

ISAIAH 47:5

Bawipa naw Babilon cu pyen nak ci, “Adüm ah a hmüp nak ung ngo ä; Ngami naw pakhui gui ah ghangpughang nu ah kä ning khü ba khai gui nei?

NAHUM 1:8

Tuinu ng’güüt ne khaw akhi ah mäih ah aga gui cu m’di gui yawp ci. Ani hnungtuk püi ci gui ah khan ah ami sih nak vai yuk chah lawk ci.