1 SAMUEL 2:8 - Cho Bible Common Language 2016

⁸ Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

1 SAMUEL 2:8 Referans Kwoze

DANIEL 2:48

Cun kawn ah ani naw Daniela am bawimang ak hlüng pi pe ne, am cümhnah nak akda pek ci, Babilon khopäng ung uktu ah tha ne, mang im angvai gui avan ung angvaipi ah tha ci.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

DANIEL 6:3

Daniel naw ahei tängpang ci guii la uktu gui ah ta bä pi khai ah a bi cu dang ci. Ani cu ang htei ah cüivai ci kya sei, uknak khaw avan ung ang vaipi ah tha vai ah ngai ci.

THU PHLAAN 1:6

Apa Khanpughi ah khuut bi vai ah a uknak khaw ung Taigü ah na m’düih gui ciah Bawipa Jesuh Khrit cu, hta ng’shon ung bämang ne hlüngtai ne om sä! Amen.

1 SAMUEL 15:17

Samuela naw, “Namät naw namät kä küikyang ciah na ngaih ung phi, nang cu Israel pakhui ah ng’vai pi ah na kyak ci,

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

THU PHLAAN 5:10

Nang naw ngami cu Khanpughi ah khuut bik khai gui ah ngung nak ah taigü ah na k’hmoh gui ci. Ngami naw m’dek khan ah uknak cu gah khai gui nei,” ciah kyak ci.

2 SAMUEL 7:8

Kei A hlüngtai Bawipa naw ka pyen nak cu, ka changshäm David am m’thein ä, “Lo ah hto na shäm nak ungka kei naw ka ning lak ci, ka chang Israel gui uktu ah ka ning pyang ci.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

SAM 104:5

Nang naw khomdek cu amät ah phung ung khäng khai ah na k’süm ci, cun cu kä ng’nawn phung khai.

SAM 102:25

Cau pui pui nang naw khomdek cu na tüisho ci, na mät ah kut awn khankho cu na pyang ci.

SAM 24:2

Ani naw a cun cu m’dek ah ka, tui li thuuk ung co ne, tuinu ah khui ah tungkhaw k’süm ci.

ATÜNNAK 41:14

Ghangpughang naw Joseph cu khü sak gui sei, ani cu ang ghit ah k’plawk ba ci gui, ani cu ng’si ng’säi ng’thong chah neta, ghangpughang ah ma ah lawk ci.

JOB 2:8

Joba cu hlut khei a chet nak vai k’am heeuh akpi lanetam’vut ung htiet ne ngok ci.

ATÜNNAK 41:40

Ka khaw avan ka ning uk sak khai, ka chang avan naw na ng’thu läk khai gui nei. Kei ah kawn ah nang ah huham cu aktung ah kyak khai nei.

DANIEL 4:17

Shin cu cimgang ne tengkhen ciah khanchang ah m’hnüt bäi ah kyak ci. Cun ah kyasei khaw päng ung chang nü am hmat sak vä, hlüngtai ciah Khanpughi cu hnicim chang ah uknak khaw avan ah khan ah a huham om ci nei. Ani naw ak yawpi ah chang pang phi ghü ne a cun ah huham cu pe hning ci nei.’

1 GHANGPUGHANG GUI 16:2

“Nang cu kä na chang nak ci, cun ung phi kei naw nang cu ka chang Israel gui ah ng’vaihta ah ka ning pyang ci. Tuhbäi nang cu Jeroboam ah mäih ah katnak na bik ci, ka chang gui phi katnak ung na luh püi gui ci. Ngami ah katnak naw kei na m’lungshe sak ci,

2 GHANGPUGHANG GUI 9:6

Cun kawn ah ngani cu im kyong ah lut ni neta, prophet nong naw Jehu ah lu khan ah oliv-situi cu yuk shawi neta, a pyen nak cu, “Bawipa, Israel Khanpughi naw ang ng’shäu cu; kei naw nang cu ka chang gui Israel chang gui ah ghangpughang ah ka ning phyuh theh ci nei.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

SAM 75:3

Ak ghing gui avan ng’thüng u ne, khomdek amät thüng sei phi, a phung ang yung cu kei naw ka htek sak khai nei.

SAM 75:7

Khanpughi amät cu m’kho m’chak ciah kyak ci, amshah cu m’kyuk ne amshah cu m’hlawt ci.

SAM 107:41

Cun ung phi du ci gui cu ami khaih nak ungka gung gui ne, htome gui ah mäih ah ami im tung da sak ci.

ISAIAH 22:23

Kei naw ani cu sing hmui ah mäih ah ka khan sak khai, ani cu akyong chang avan ung m’tamkhah nak ah aphung ah kyak khai.

SAM 75:4

Changshe gui kä ami m’gha m’ce vai ah ka pyen khai;