1 SAMUEL 2:7 - Cho Bible Common Language 2016

⁷ Ani naw amshah dukhaih sak ci, amshah bühmang sak ci; Amshah neim sak ci, amshah dämduh sak ci.

1 SAMUEL 2:7 Referans Kwoze

SAM 75:7

Khanpughi amät cu m’kho m’chak ciah kyak ci, amshah cu m’kyuk ne amshah cu m’hlawt ci.

JOB 5:11

Ä, ng’neim ci gui m’tho gui ci cu Khanpughi nei, thüisei ci gui avan am yeikyai nak pe gui ci nei.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

JAMES 4:10

Bawipa ah ma ah nami m’lung neim sak vä, cun ung ning m’hlüngtai gui khai nei.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

2 GHANGPUGHANG GUI 9:6

Cun kawn ah ngani cu im kyong ah lut ni neta, prophet nong naw Jehu ah lu khan ah oliv-situi cu yuk shawi neta, a pyen nak cu, “Bawipa, Israel Khanpughi naw ang ng’shäu cu; kei naw nang cu ka chang gui Israel chang gui ah ghangpughang ah ka ning phyuh theh ci nei.

JOB 40:12

Ngami cu teng gui ne tuk cha gui ä. Chang shekha gui cu ami om nak ung shudeng gui ä.

1 SHONTÄP NAK 29:12

Bühmang nak la bämcam nak avan cu nang ungka lawk ci, nang naw na k’thagui la na huham awn a päng nü cu na uk ci. Nang naw a u phi dämduh ne khüighat khai ah na pyang hning ci.

2 SHONTÄP NAK 32:27

Ghangpughang Hezekiah cu anghtei ah bühmang law sei, chang nü naw m’tamkhah ci gui. Ani naw ghui ni, ngui ni, pyülung gui ni, tui ng’ui gui ni, shawi gui la a hei aphuu tan gui gim nak vai ah khei gui co ci.

2 SHONTÄP NAK 32:29

A cun gui avan ah kawn ah, Khanpughi naw seipat gui la htome gui la a hei khawh cham akda pe sei, ani naw mang gaw akda cu co ci.

SAM 75:8

Bawipa naw khap cu a kut ung kawt ne, sü ciah am lung she nak awn be sak ci. Ani naw kei sei changshe gui ami van naw awk ci gui; m’sing ne aw yawp ci gui.

NG'THU K'THUUK~ 22:2

Bühmang ci la du khaih ci ung a shin cu atäng ah om ci, ani nik hnih cu Bawipa naw atüipian ah kyak ci.

JEREMIAH 49:15

Bawipa naw nangmi cu k’tha ning ken law sak gui khai, a u naw kä ning chang m’sui gui khai.

EZEKIEL 17:24

Shin ah khaw ung shing ghing avan naw kei cu Bawipa ah na hmat khai gui. Kei naw sing ghing ng’gho gui cu chu ne, aläm gui cu ka ng’ghaw ba sak khai. Kei naw ng’kying ciah sing gui cu ng’yai sak ne, Chawng ciah sing gui cu ka ng’kying ba sak khai. Kei, Bawipa naw ka pyen nei, kei naw ka bi vai ah ka pyen cu ka bik khai nei.”